Zhvillime për Pastoren, duhet vetëm “drita e gjelbërt” e pronarëve kinezë

Raportimet e fundit nga mediat evropiane sugjerojnë se PSG mund të pranojë një ofertë të shtrenjtë huazuese për Javier Pastoren, por Interi duhet të marrë aprovim nga pronarët kinezë.

Nerazzurët dëshirojnë mesfushorin kreativ argjentinas, por nuk mund të bëhet permanente marrëevshja për shkak të ndalesave nga Fair Play Financiar.

Edhe Piero Ausilio edhe Walter Sabatini po tentojnë që të negociojnë këtë marrëveshje dhe kanë deklaruar se një marrëveshje vështirë arrihet, kurse këtë mëngjes ishte L’Equipe që ka shkruar se PSG dëshiron ta mbajë me çdo kusht lojtarin.

Sidoqoftë, La Gazzetta dello Sport raporton se klubi francez mund të jetë i hapur për huazim me opsion të blerjes, por se Interi duhet të paguajë një shumë të konsiderueshme për huazim.

Lexo po ashtu Lajmet e fundit nga transferimet

Ausilio dhe Sabatini duhet të bindin pronarët e Suning Group që të investojnë të hollat dhe t’i sigurojnë se nuk do të ketë thyerje të FFP.

Eksperti i Sky Sport për transferime, Gianluca Di Marzio, raporton se agjenti i Pastores, Marcelo Simonian është në Milano në pritje të lajmeve të reja për të arritur marrëveshje.

Shpresa është që mesfushori nuk do të jetë i përfshirë në ndeshjen ndaj Rennes në Kupën e Francës, por gjithçka varet nga Suningu.

Interi ka nevojë për kreativitet në mesfushë pasi ka kohë që Nerazzurët po vuajnë në lidhjen mes mesfushës dhe sulmit. /Telegrafi/