Protestohet para ambulantës së deputetit Kahrimani, udhëheqës i njërit fraksion brenda Lëvizjes Besa (Video)

Një grup aktivistësh të Lëvizjes Besa kënë vazhduar përplasjen ndërmjet dy grupeve brenda partisë Lëvizja Besa përmes një proteste të mbajtur sot, njofton Telegrafi Maqedoni.

Aktivistët i janë drejtuar ambulantës së Nexhmedin Kahrimanit, ushtruesi i detyrës kryetar i emëruar nga njëri fraksion i Lëvizjes Besa.

Protesta ka qenë e qetë, ndërkaq para ambulantës ka patur një kordon policor. Protestuesit mbanin në duar parulla përmes së cilave kërkohet dorëheqja e Nexhmedin Kahrimanit.

Grupi i Kahremanit përmes një kumtese për media bëri apel tek organet e rendit dhe kërkoi që të ndërmarrin masa për mbrojtjen e Kahremanit, pasi sipas tyre, ai gëzon imunitetin e deputetit.

“Me këtë rast i ftojmë edhe të gjithë aktivistët e denjë të Lëvizjes Besa që mos të bien pre e këtyre provokimeve, sepse ato së shpejti do të kalojnë dhe Besa do të dalë edhe më fuqishme seç ka qenë”, thanë mbështetësit e Kahremenit brenda Lëvizjes Besa.

Përndryshe, Kahrimani u votua si ushtrues detyre kryetar i Lëvizjes Besa nga një grup prej 64 kuvendarëve të Lëvizjes Besa, të cilët njiherit shkarkuan kryetarin Bilall Kasami./Telegrafi/