E dashura e Dzekos, Amra pozon me mbulesë në Emiratet e Bashkuara (Foto/Video)

Partnerja e Edin Dzekos, Amra Silajdzic, është duke qëndruar në Emiratet e Bashkuara Arabe, nga ku ka publikuar fotografi në rrjetet sociale.

Bukuroshja ka pozuar në xhaminë Sheikh Zayed me mbulesë, ndërsa ka marrë dhjetëra mijëra pëlqime nga ndjekësit e saj në Instagram.

Së bashku me të në Dubai ndodhen edhe fëmijët e çiftit, ndërsa nuk ka munguar edhe një fotografi e vajzës Una.

https://www.instagram.com/p/BduSCNLDYoe

Amra është një modele dhe aktore boshnjake, e cila në moshën 16-vjeçare e fitoi garën franceze, ‘Metropolitan Top Model’.

Menjëherë pas u bë pjesë e agjencisë së modës Elite Model në Paris dhe më pas ka reklamuar veshjet e brendit Anchor Blue dhe ka qenë fytyra reklamuese e Robin Jeans.

Nga viti 2010, ka qenë pjesë e disa serialeve televizive amerikane (si “CSI: NY”, “Entourage” etj.) dhe ka luajtur në disa filma. Po ashtu, ka qenë pjesë e videoklipeve muzikore të yjeve, si Enrique Iglesias, Chromeo,” The Cataracs”, Taio Cruz e Blake Shelton.

33-vjeçarja dhe Dzeko janë në lidhje që nga viti 2011. Ata u bënë prindër të vajzës Una në shkurt 2016, ndërsa në shtator të vitit 2017 pritën në jetë djalin Dani.

Amra ka edhe një vajzë 14-vjeçare nga martesa me një biznesmen serb, me të cilin u shkurorëzua në vitin 2007. /Telegrafi/