Akuzohet për tentim vrasje të 28 lojtarëve të Borussia Dortmund: Atentatori thotë se këtë e bëri për arsye financiare, kishte vënë në bursë 44 mijë euro

Një gjermano-rus akuzohet për hedhjen e bombës në autobusin e Borussia Dortmund, por sot para gjykatësit ai ka thënë se nuk e kishte në plan që ta vriste askënd.   

28-vjeçari me emrin Sergei W, akuzohet për sulmin në prill.

Borussia Dortmund ishte duke udhëtuar për ta zhvilluar ndeshjen me Monacon, me 11 prill, ku hasi në një zonë të minuar.

Mbrojtësi spanjoll Marc Bartra ishte ai që kishte pësuar dëmtime më të mëdha, ndërsa ndeshje në atë ditë ishte shtyrë.

Sergei W. akuzohet për tentim vrasje të 28 personave.

Avokati i tij, Carl Heydenreich, ka thënë se motivi i të akuzuarit ka qenë financiar.

Avokati Heydenreich ka thënë para gazetarëve se klienti i tij është i pikëlluar  shumë dhe i penduar thellë për atë që ka ndodhur, por sulmi i tij kishte të bëjë me përfitime monetare.

Sipas tij klienti kishte vënë 44,000 mijë euro në bursë dhe do të shiste ato kur çmimi do të binte për të përfituar.

“Ai e bëri këtë për arsye financiare”, tha avokati i të pandehurit, Heydenreich para gjykatës.

“Unë besoj se nuk është e mundshme që dikush që përdor këtë lloj pajisje mund të thotë: ” Unë po e bëj vetëm për t’i trembur njerëzit “dhe pastaj të përfitoj nga kjo”, është kundërpërgjigjur avokati i klubit gjerman Alfons Becker. /Telegrafi/