Pini kafe dhe hani domate: Katër këshilla për ta zvogëluar rrezikun e kancerit të prostatës

Më shumë se 40,000 raste të reja me kancer të prostatës diagnostikohen çdo vit vetëm në Mbretërinë e Bashkuar.

Prostata është gjëndër e vogël në pelvis e cila ndihmon me prodhimin e spermës, transmeton Telegrafi.

Simptomat e kësaj sëmundje përfshijnë djegie gjatë urinimit, humbje të kontrollit të fshikëzës, ose shfaqje e gjakut në urinë.

Përderisa nuk ka ndonjë mënyrë të caktuar për parandalimin e kancerit të prostatës, ndryshimi i dietës dhe ndryshimi i stilit të jetesës mund ta zvogëlojë rrezikun.

Konsumimi i kafes

Konsumimi i sasive të mëdha të kafesë mund të ndikojë në zvogëlimin e rrezikut për zhvillimin e kancerit të prostatës. Çdo tri kafe që pini jua reduktojnë rrezikun për 11 për qind, thonë ekspertët.

Sidoqoftë, dozat e larta të kafeinës mund të shkaktojnë probleme shëndetësore, siç janë rrahjet e parregullta të zemrës. Prandaj, konsumoni vetëm një gotë e gjysmë kafe në ditë.

Ushtrimet fizike

Ndërtimi i dhjamit e rritë rrezikun e kancerit të prostatës, e veçanërisht kur dhjami gjendet në zonën e stomakut.

Megjithatë, ushtrimet e rregullta fizike ju ndihmojnë ta mirëmbani peshën e shëndetshme trupore, prandaj ecja, vrapimi, çiklizmi dhe noti kontribuojnë në rrezik më të vogël të zhvillimit të këtij kanceri.

Hani më shumë ushqime me ngjyrë të kuqe

Ushqimet e kuqe – si shalqiri dhe domatet – e marrin ngjyrën e tyre nga antioksidanti licopen.

Licopeni i zvogëlon shanset për zhvillimin e kancerit të prostatës, prandaj ngrënia e domateve e bën më të lehtë për trupin absorbimin e licopenit.

Hani më shumë peshk

Omega-3 mund t’iu mbroj nga ky lloj i kancerit, falë acideve yndyrore të cilat gjenden në salmon, tuna, sardine, etj. /Telegrafi/