Ministria e Arsimit Shkencës dhe Teknologjisë ka filluar përgatitjet për pjesëmarrjen në vlerësimin ndërkombëtar TIMSS dhe ka formuar komisionin për testin PISA 2018. Këto i ka bërë të ditura ministri Shyqiri Bytyqi në konferencën e fund vitit të kësaj ministrie.
Bytyqi, ka bërë të ditur se kanë planifikuar të mbajnë dy teste provuese në të gjitha shkollat e Kosovës, si parapërgatitje për testin PISA 2018.
Ai ka treguar edhe arsyet se pse është e nevojshme mbajtja e këtyre dy testeve provuese, para testit final PISA 2018.
“E kemi formuar një komision të veçantë që do të merret me testin PISA 2018 dhe tutje PISA. Ky komision tani e ka bërë një plan dinamik që deri në datën e mbajtjes së testit PISA 2018 planifikojmë që minimumi ti mbajmë dy teste provuese në të gjitha shkollat e Kosovës. Në fakt testi i parë do ti përfshij të gjitha shkollat e Kosovës, testi i dytë do të mundohemi të jemi në shkollat ku do të mbahet testi PISA final. Ky test provues, para se të bëhet testi final i ka dy qëllime, e para me pa se ku jemi edhe pse është periudhë jashtëzakonisht e shkurtër kur po flasim mund të jetë katër deri në pesë muaj, është që ta ngritëm vetëdijesimin e përgjithshëm të nivelit komunal të drejtorëve të shkollave që nxënësit ti familjarizojmë me testin”, tha Bytyqi.
Ai tha se risia e viti 2018 do të jetë që testi për herë të parë do të jetë digjital.
Ministri Bytyqi ka thënë se është punuar vazhdimisht në arsimin para universitar, si dhe i është kushtuar rëndësi e veçantë edhe arsimit parashkollor, ku ministri bëri të ditur se është hartuar pothuajse tërë programi për moshat 0 deri në tre vjet.
“Në edukimin e personave me nevoja të veçanta pothuajse kemi përfunduar infrastrukturën ligjore dhe jemi edhe në fazën e trajnimit të mësimdhënësve dhe të trajnimit të përfaqësuesve të tjerë që do të merren me këtë kategori. Kemi vazhduar një mbështetje për komunitetin e pakicave, një mbështetje e cila po tenton të futet në frymën të cilën ne jemi zotuar se do të krijojmë kushte të barabarta për secilin këtu në Kosovë që ta ketë një arsimim dhe një edukim të nevojshëm. Në këtë drejtim edhe pjesët lëndore janë përkthyer në gjuhen turke dhe gjuhën boshnjake. Parandalimi i braktisjes ka vazhduar me aktivitet të shtuar të ministrisë në të gjitha nivelet që ta zvogëlojmë këtë dukuri negative që ekziston në këtë periudhën 100 ditësh. Nga puna që është bërë dhe nga raportimet të cilat ne i kemi marrë, informacionet që na vijnë edhe nga terreni është ulur në një masë të mirë braktisja e shkollav e”, tha ai.
I pari i Ministrisë së Arsimit ka bërë të ditur se ministria që drejton do të vazhdojë ndërtimin e objekteve shkollore, renovimin e objekteve shkollore ku është e nevojshme dhe se një ndër prioritetet e punës së tij është edhe zhvillimi i mësimit në një ndërrim.
Gjithashtu, ministri Bytyqi ka bërë të ditur se janë duke pritur raportin e komisionit për vlerësimin e qëndrueshmërisë së Universiteteve publike.
“Komisioni për vlerësimin e qëndrueshmërisë së Universiteteve publike vazhdon, jemi në pritje të përfundimit të raportit ku do të na rezulton se këto universitete publike të cilat i kemi a do të mund të vazhdojnë tutje siç janë apo do ti fuzionojmë ashtu siç kemi thënë në vetëm dy universitete publike. Pra, të kalohet në dy universitete dhe universitetet e tjera të jenë kampuse të këtyre universiteteve”, tha ai.
Në fund të konferencës, ministri i Arsimit Shkencës dhe Teknologjisë, Shyqiri Bytyqi ka ndarë mirënjohje për gazetarët dhe mediat për kontributin e tyre ndër vite në fushën e arsimit dhe edukimit
Promo
Reklamo këtuLufta Prigozhin - Putin
Më shumëProfesori shqiptar nga Londra: Në Britani të Madhe i gjithë spektri politik është pro Kosovës
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
Parlamenti britanik miratoi mocionin e Alicia Kearns për Kosovën
Në automjetin me targa të Serbisë, policia konfiskoi 390 kg duhan kontrabandë në Gjilan
Deputeti i LVV-së akuzon opozitën, Basha: Po i shtrembëron raportet ndërkombëtare për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe