Këngëtarja Shyma arrestohet në Egjipt, rrezikon tre vjet burg për klipin provokues (Foto/Video)

Një këngëtare egjiptiane e muzikës pop është arrestuar për “nxitje të shthurjes”.

Shaimaa Ahmed, e njohur me emrin skenik Shyma, ka bërë një video ku shfaqet shumë joshëse.

Këngëtarja paraqitet në një klasë të mbushur me meshkuj, derisa largon një pjesë të veshjes dhe e han një banane në mënyrë provokuese.

Për më shumë, në tabelë shkruan “Class #69”, ndërsa pos bananes ajo e ka hëngër edhe një mollë në mënyrë provokuese dhe ka hedhur qumësht mbi banane.

http://www.dailymotion.com/video/x6a7pbg

Prokurorët në Kajro kanë kërkuar që këngëtarja të arrestohet për katër ditë, para se të merrej në pyetje për shkak të veprimeve të saja në videon muzikore.

Shfaqja e 21-vjeçares në klip konsiderohet si tejet e tepruar në vendin konservativ.

Videoja muzikore nga nxitur reagime të shumta në Egjipt, ku kritikët thonë se “është përplot aluzione seksuale dhe i pamoralshëm”.

Shyma e ka akuzuar regjisorin Mohammad Jamal për performancën e saj në klip.

“Unë kam qenë një mjet në duart e regjisorit, i cili më ka drejtuar në ato momente dhe ka kërkuar nga t’i bëj  disa veprime”, citohet t’u ketë thënë këngëtarja hetuesve.

“Përmbajtja e videoklipit është e dëmshme për shoqërinë egjiptiane. Duhet të ketë një qëndrim të fortë kundër promotorëve të këtij arti jo të kënaqshëm”, ka thënë Jalal Awara, anëtar i parlamentit egjiptian.

Nëse shpallet fajtore, Shyma mund të dënohet deri në tre vjet burg. /Telegrafi/