Ministria e Mbrojtjes në Maqedoni fillon me pagesën e çmimit jubilar të të punësuarve

Ministria e Mbrojtjes do t’ua paguajë çmimin jubilar 1800 të punësuarve në Ministri dhe Ushtri, të cilët konform marrëveshjes kolektive i përmbushin kushtet për këtë.

Nga Ministria e Mbrojtjes informojnë se pagesa ka filluar, ndërsa do të përfundojë ndaj të gjithëve në periudhë pre 30 ditëve, përcjell Telegrafi Maqedoni.

Ata potencojnë se me vendimin e këtillë të punësuarit do ta realizojnë të drejtën e tyre konform marrëveshjes kolektive, pa pasur nevojë të ngrihen procedura gjyqësore dhe do të parandalohet dëmi shtesë i buxhetit të Ministrisë së Mbrojtjes.

Me marrëveshjen kolektive ministria ka marrë për obligim të punësuarve në MM dhe URM për punë të pandërprerë në kohëzgjatje prej 15 viteve t’u ndahet çmimi jubilar në lartësi prej një page mesatare, por ky obligim nuk është përmbushur dhe paratë nuk janë paguar.

Kjo ka qenë shkak që 700 të punësuarit që i përmbushin kushtet për marrjen e çmimit jubilar, ta padisin ministrinë, ndërsa për rreth 300 padi është vendosur në dobi të paditësve./Telegrafi/