Messi i kërkon falje bashkëlojtarit pasi që e cilësoi si fans pas fotografisë me të (Foto)

Lionel Messi është detyruar të kërkojë falje për sulmuesin e Zenitit, Sebastian Driussi pasi ka gabuar duke cilësuar bashkëlojtarin një tifoz të tijin.

Ylli i Barcelonës ka qenë këto dy ditë në Rusi për shkak të një miqësore ndërkombëtare me Argjentinën, të cilën e fituan sot (e shtunë) me rezultat minimal 1-0.

Përpara kësaj konference, 30-vjeçari ka përmbushur raundin e tij të zakonshëm të fotografive dhe autografeve.

Lexo po ashtu Argjentina mposht Rusinë në miqësore luksi (Video)

Mes atyre që kanë bërë fotografi dhe kanë rrëmbyer një moment me pesë herë Topin e Artë është sulmuesi argjentinas, Driussi, edhe pse Messi fillimisht dështoi ta njohë atë.

Sulmuesi i Zenitit ka ngarkuar foton e tij në rrjetin social Instagram me titullin: “Faleminderit idhull për foton. Leo Messi”.

https://www.instagram.com/p/BbMWAx4lQnt/

Pasi e kuptoi se me cilin ishte fotografuar, Messi më vonë kërkoi falje dhe pranoi në Fox Sports Argjentina se ai është plotësisht i vetëdijshëm se kush është ish-ylli i River Plate, Driussi.

“Ndihem keq që nuk e njihja atë në atë moment, sepse unë e njoh atë. Unë e di se kush është ai”, ka thënë fillimisht Messi.

Lexo po ashtu Del Piero poston një fotografi me tre yjet e Argjentinës dhe ka një pyetje interesante për tifozët e futbollit (Foto)

“Kur më kërkoi për fotografi, mendova se ai ishte një nga tifozëve që gjithmonë po presin për një fotografi”.

“Kur e pashë fotografinë në Instagram unë i kërkova falje atij. Kemi shkëmbyer mesazhe në të kaluarën përmes dikujt tjetër dhe ne ndajmë të njëjtin artist të tatuazhit”, ka shpjeguar ylli argjentinas. /Telegrafi/