Kompletohet Real Madridi, 11 kampionë gati për Tottenhamin

Të martën kthehet Liga e Kampionëve me Real Madridin që është afër ta kompletojë skuadrën më të mirë.

Zinedine Zidane mund të buzëqesh më në fund, pasi për ndeshjen me Tottenhamin kthehen Casemiro, Luka Modric dhe Rafael Varane.

Një fitore do ta vendoste fuqishëm në pozitën e parë në Grupin H.

Dani Carvajal, Gareth Bale dhe Mateo Kovacicm, vazhdojnë të rikuperohen nga lëndimet, por Zidane edhe nëse do të ishin gati do t’i pushonte, siç bëri me Varanen dhe Casemiron, pastaj edhe me Modric dhe Isco.

Ish lojtari i Malagas ka luajtur për 20 minuta në ndeshje ndaj Getafes.

Në anën tjetër kroati e pa të gjithë ndeshjen nga banka rezervë.

Karim Benzema është rikuperuar plotësisht dhe do të jetë ndeshja e parë që ai luan në Evropë këtë sezon.

Cristiano Ronaldo, mbetet lojtari më në formë në këtë edicion në Ligën e Kampionëve, me katër gola të shënuar.

Kjo pritet të jetë dyshja sulmuese nga minuta e parë kundër Tottenham.

Pritet që mesfusha të përbëhet nga Casemiro. Kroos, Modric dhe Isco më i avantazhuar.

Mbrojtja vjen me Marcelo, Varane dhe Ramos e Keylor Navasin në portë, ndërsa për krahun e djathtë ka balotazh mes Nacho e Achraf. /Telegrafi/