Ish-kryeministri i Shqipërisë, Sali Berisha e ka mbështetur idenë e presidentit Hashim Thaçit, i cili kërkoi, të mërkurën nga Shqipëria që qytetarët e Kosovës të kenë mundësinë të aplikojnë për nënshtetësinë shqiptare.
Presidenti i Kosovës tha një ditë më parë se aktualisht nuk sheh mundësi tjetër për lëvizje të lirë të qytetarëve të Kosovës, përveç mundësisë që qytetarët e Kosovës të pajisen me pasaportë shqiptare.
Ish-kryeministri i Shqipërisë, aktualisht deputet i Partisë Demokratike, Sali Berisha mendon se dy qeveritë duhet të lidhin një marrëveshje, me të cilën i mundësohet shqiptarëve të Kosovës dhe Shqipërisë, me një formular të marrin nënshtetësinë.
“Përkrah dhe mbështes çdo hap që njëson praktikat e shqiptarëve në Shqipëri dhe Kosovë. Lidhur me problemin konkret, një qëllim tjetër më madhor duhet të qëndrojë prapa këtij propozimi të drejtë. Është e domosdoshme që dy qeveritë të firmosin, si dy vende të pavarura, por që ndajnë një komb unik, të firmosin marrëveshjen mbi shtetësinë në përputhje me të cilën çdo shqiptar që banon në Shqipëri do të ketë automatikisht me një formular dhe shtetësinë e republikës së Kosovës dhe anasjelltas. Kjo është parashikuar në një vendim të Qeverisë së mëparshme më 2012”, u shpreh Berisha.
Ish-kryeministri i Shqipërisë bën thirrje që propozimi të merret me seriozitet. Berisha nuk beson që kërkesa e presidentit Thaçi ka për qëllim t’i bëjë presion Brukselit për liberalizimin e vizave.
“Kjo nuk e synon çështjen e Shengenit, por synon vendosjen e një norme kombëtare që është jetike për kombin shqiptar. Pse kanë të drejtë kombet tjera përreth të aplikojnë të drejtën e shtetësisë për qytetarët… Kosova është një nga vendet që ka standardet më të mira sa i përket kritereve dhe kërkesave për heqjen e vizave. Nuk jam njeri që besoj në presione ndaj Brukselit, sepse BE-së nuk mund t’i bëhet presion nga vendet e Ballkanit”, ka deklaruar Berisha në emisionin ‘Magazina’ të Radio Dukagjini. /Telegrafi/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe