Kryetari i Lidhjes Demokratike të Kosovës (LDK), Isa Mustafa, ka thënë të hënën në Malishevë, se sa herë fiton LDK-ja në zgjedhje –fiton krejt Kosova, pavarësisht përcaktimeve partiake të qytetarëve.
“Programi i LDK-së është më i miri. Ne kemi njerëzit më të mirë, më të përkushtuar, më të aftë, të cilët do të përfaqësojnë interesat e qytetarëve në Malishevë. Ne nuk do të punojmë vetëm për elektoratin e LDK-së, por do të punojmë për gjithë Malishevën. Sa kam qenë kryeministër i kam përkrahur projektet e Malishevës edhe pse nuk e kemi qeverisur komunën”, ka thënë Mustafa.
Ai potencoi se LDK –ja është orientuar dhe ka synim kryesor të qeverisjes lokale, zhvillimi ekonomik. “Ai do të jetë fokusi jonë themelor për të hapur vende të reja të punës, të krijojmë mirëqenie për qytetarët, ta rrisim standardin e jetës. Përmes zhvillimit ekonomik ne do të krijojmë kushte për investime në arsim, në shëndetësi, në infrastrukturë, mbrojtje të mjedisit, etj”, tha kreu i LDK-së.
Ai përkujtoi se janë arritur rezultate nëpërmes trinomit të Presidentit Rugova, liri, demokraci dhe pavarësi, sepse e kemi fituar lirinë, e kemi fituar pavarësinë, ndërsa demokracia është një çështje e pafund.
“Por tani ne e kemi objektiv zhvillimin ekonomik, në mënyrë që shtetin të cilin e kemi krijuar, ta bëjmë që qytetarët të dëshirojnë të jetojnë në atë shtet. Ne nuk e kemi bërë shtetin që të ikim nga ky shtet, prandaj duhet të punojmë shumë në komuna që ta përmirësojmë gjendjen ekonomike-sociale, të ofrojmë vende pune për këta të rinjtë dhe të rejat që janë të papunësuara, ta ulin varfërinë dhe skamjen”, tha kryetari i Lidhjes Demokratike.
Kandidat i LDK-së për kryetar të Malishevës, Sami Kafexholli, ka thënë se LDK në Malishevë ka qenë përherë e përkushtuar në mbrojtjen, kultivimin dhe avancimin e vlerave dhe orientimit programor autentike që LDK-në e kanë bërë subjekt të besueshëm për qytetarët.
“Angazhimi i asamblistëve të LDK-së në Malishevë është manifestuar në të gjitha fushat e jetës andaj është fokusuar në ndaljen e padrejtësive të qytetarëve në arsim, shëndetësi, investime etj. Programi i LDK-së për Malishevën përmban orientimet dhe nevojat reale të qytetarëve të komunës sonë”, tha Kafexholli.
Ai potencoi se prioritetet e qeverisjes së tij do të jenë zhvillimin ekonomik, administratë profesionale, arsim dhe shëndetësi të papolitizuar, transparencë buxhetore dhe zero tolerancë ndaj korrupsionit.
Promo
Reklamo këtuLufta Prigozhin - Putin
Më shumëZhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Erjolën e hedhin në mes të natës në pishinë, i ekspozohen pjesët intime
Axhanqiq: Unë takohem me Kurtin hapur, të tjerët fshihen
Inzaghi gëzon tifozët e Interit me transfeirmin e ri: Po, ai ka nënshkruar me ne
"Mjekët më thanë se së shpejti do të vdes", Ish-portieri gjerman tregon sëmundjen e rëndë me të cilën po përballet
Larg Meritonit me pushime në Itali, turisti e pyet a je e famshme? - Ilnisa Agolli jep përgjigjjen interesante
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak