Një delegacion nga Oda e Afarizmit të Kosovës (OAK), kanë takuar ministrin e Infrastrukturës, Pal Lekaj, të cilin e kanë njoftuar për mungesën e infrastrukturës në zonat ekonomike, si dhe i kanë kërkuar inicimin për ndryshimin e ligjit për automjete, sidomos të neneve që kanë të bëjnë me taksat e regjistrimit dhe nenit që përcakton lokacionin për kontrollimin teknik.
Ata gjithashtu kanë kërkuar të sinjalizohen rrugët sipas standardeve të BE-së, të njoftohen qytetarët në rast të ndonjë aksidenti apo bllokimi të rrugës sepse mos njoftimi i qytetarëve për aksidente apo bllokimi i rrugëve po shkakton kolona të gjata, si dhe një mori problemesh që po ka biznesi në Kosovë.
Delegacioni i OAK-ut, i kryesuar nga drejtori i Bordit, Skënder Krasniqi, nënkryetari Arsim Selmonmusaj, anëtarët Hasan Gigollaj, Hysni Zogaj, si dhe drejtori ekzekutiv Ismet Mulaj me bashkëpunëtor, u pritën nga ministri i Infrastrukturës, Pal Lekaj dhe nga këshilltari Juridik, Riza Smaka.
Gjatë këtij takimi Krasniqi, e uroi ministrin Lekaj për pozitën e ministrit, duke i dëshiruar punë të suksesshme në një nga digasterët me interes për biznesin.
Me këtë rast, Krasniqi e njoftoi Ministrin Lekaj për të arriturat e OAK-së dhe aktivitetet që po zhvillon në të mirë të biznesit.
Po ashtu, Krasniqi përmendi disa nga kërkesat për Ministrin e Infrastrukturës, ndër to ishin: mungesa e infrastrukturës në zonat ekonomike apo në zonat me përqendrim biznesi, mos anëtarësimi i Kosovës në Shoqatën Ndërkombëtare të Transportueseve (TIR), të inicohet ndryshimi i ligjit për automjete, sidomos nenet që kanë të bëjnë me taksat e regjistrimit, ku të paguhet vetëm njëherë gjatë vitit, e jo sa herë shitet automjeti, si dhe neni që përcakton lokacionin për kontrollimin teknik, të sinjalizohen rrugët sipas standardeve të BE-së, sepse mos sinjalizimi i rrugëve po shkakton aksidente të rënda dhe me fatalitet, të njoftohen qytetarët në rast të ndonjë aksidenti apo bllokimi të rrugës sepse mos njoftimi i qytetarëve për aksidente apo bllokimi i rrugëve po shkakton kolona të gjata, si dhe një mori problemesh që po ka biznesi në Kosovë.
Ndërsa ministri Lekaj u shpreh i gatshëm që të bashkëpunoj me OAK-un dhe të punojë në të mirë të biznesit për zgjidhjen e secilit problem që ka biznesi.
Në fund të këtij takimi, delegacioni i OAK-ut dhe ministri Lekaj u dakorduan që bizneset duhet të përkrahen dhe duhet të punohet në heqjen e çdo barriere në interes të zhvillimit të vendit. /Telegrafi/
Promo
Reklamo këtuLufta Prigozhin - Putin
Më shumëFranca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Me çka e shijon bukën ma s'shumti edhe pse bash me sugjukun Meka?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City