Shënohet Dita botërore e Alzheimer-it në Shkup

Rreth 20 mijë persona në Maqedoni vuajnë nga sëmundja e Alzheimer-it, por vetëm 10 për qind prej tyre janë të përfshirë në terapi, tregojnë velrësimet e zyrtarëve të shëndetësisë në Maqedoni bazuar në statistikën botërore dhe strukturën e moshës së banorëve, përcjell Telegrafi Maqedoni.

“Diagnostifikimi në kohën e duhur dhe pranimi i terapisë së saktë mund të përmirësojë në masë të madhe cilësinë e jetës së personave me sëmundjen Alzheimer, si dhe atë të familjeve të tyre. Të shumta janë rastet e pacientëve që harojnë dhe janë depresiv, por nuk janë të vetëdijshëm se për cilën sëmundje bëhet fjalë”, u shpreh sot ministri për shndetësi, Arben Taravari, i shoqëruar nga mjekët e kësaj fushe me rastin e Ditës botërore të sëmundjes Alzheimer – 21 Shtatori.

Sipas statistikave në Maqedonia jetojnë rreth 400 mijë persona të moshës mbi 65 vjeçare, nga të cilët 20 mijë vuajnë nga Alzheimer, ndërsa nga ato vetëm 2.000 deri më 3.000 pacientë trajtohen, që është numër shumë i vogël, sipas ministrit të shëndetësisë. Sa për krahasim, në shtetet e rajonit, si Serbia dhe Kroacia trajtohen 40 deri më 50 për qind e të sëmurëve dhe ministri Taravari shtoi se edhe Maqedonia duhet ta arrijë këtë përqindje./Telegrafi/