Universiteti “Kirili dhe Metodi” hap konkursin për vitin akademik 2017/18

Të enjten dhe të premten (17 dhe 18 gusht) do të fillojë paraqitja për regjistrim në vitin e parë të vitit akademik 2017/18 në Universitetin “Kirili dhe Metodi” në Shkup.

Sipas konkursit për regjistrimin e studentëve në ciklin e parë të studimeve për vitin e ardhshëm akademik, vende të lira janë gjithsej 10.818, përcjell Telegrafi Maqedoni.

Prej tyre 5.865 janë për studentë të rregullt për të cilët participimi shkollor është 200 euro, 3.793 vende janë për studentë të rregullt me bashkëfinancim për studime me 400 euro në vit dhe 1.116 për studime me korrespodencë, që gjithashtu paguhen 400 euro. Risi në konkurs është largimi i studimeve të disperzuara.

Kandidatët që nuk do të mund të paraqiten për regjistrim këtë javë, mund të paraqiten në afatin e dytë të regjistrimit më 4 shtator, ndërsa në fakultetet në të cilat ka vende të lira, afati i tretë për paraqitje për regjistrim është më 15 shtator.

Në konkursin e Universitetit “Kirili dhe Metodi” janë shënuar dokumentet, kriteret dhe kushtet e regjistrimit, mes të cilave është edhe dhënia e provimit të maturës shtetërore./Telegrafi/