Edhe Arilena Ara mbërrin në Moskë për festivalin “Evropa Plus”, vetëm Era Istrefi mbetet jashtë (Foto)

Ishte paraparë që katër këngëtaret e njohura shqiptare: Dua Liba, Bebe Rexha, Era Istrefi dhe Arilena Ara do të performonin në festivalin më të madh në Rusi, në “Evropa Plus”.

Mirëpo, gjatë ditës së sotme (e premte) është bërë e ditur që këngëtarja Era Istrefi ka anuluar pjesëmarrjen e saj, kjo për shkak të rekomandimit nga forcat e sigurisë, për shkak se ishte kërcënuar për pjesëmarrje, raporton Telegrafi.

Lexo po ashtu Merr kërcënime nga Rusia sepse "BonBon" është në shqip, Era Istrefi nuk udhëton fare për koncertin në Moskë

Ndërkohë, këngëtaret Dua Lipa dhe Bebe Rexha përmes rrjeteve sociale, bën të ditur mbërritjen në Moskë, ku patën edhe takimin e parë me fansat.

Në pikëpyetje të madhe ishte vetëm këngëtarja Arilena Ara, pasi ashtu sikur Era, ajo gëzon pasaportë shqiptare, dhe nuk dihej se sa do të mirëpritej në këtë festival.

Lexo po ashtu Derisa Era Istrefin e kërcënojnë, kështu pritet Dua Lipa në Moskë (Video)

Megjithatë, përmes një imazhi të publikuar së fundmi në InstaStory, Arilena bëri të ditur se ka mbërritur në Rusi, dhe është gati për performancë.

Pranë saj gjendeshin edhe kompozitori i këngës “Nëntori”, Darko Dimitrov, këngë e cila e bëri të famshme në Ballkan dhe jashtë territorit të saj, si dhe menaxheri i këngëtares.

Pra, jashtë festivalit “Evropa Plus” këtë vit mbeti vetëm këngëtarja kosovare, Era Istrefi. /Telegrafi/