Ahmeti: Çështja e Xhamisë, e lidhur edhe me Katedralen (Video)

E Plotësuar: Kryetari I Komunës së Prishtinës, Shpend Ahmeti, tha se çështja e xhamisë ka të bëjë edhe me prezencë e katedrales në qendër të qytetit të Prishtinës. Ndër të tjera, në “InfoBox” në RTV Dukagjin, ai foli edhe për historikun e pronës së xhamisë së ardhshme të kryeqytetit.

“Nuk po niset xhamia për të konkurruar me Katedralen, por po niset për shkak të nevojës së besimtarëve. Bashkësia Islame e Kosovës kërkoi një lokacion tjetër në Prishtinë, nuk i është dhënë e pastaj i është dhënë ky tek Posta. Për të treguar se aty do të ndërtohet, kanë vënë edhe gurthemelin”, ka thënë ai. /RTV D/Telegrafi/

———————————————————————-

AHMETI: PËR XHAMINË KANË MBETUR EDHE DISA ÇËSHTJE PËR T’U DEFINUAR (VIDEO)

Në emisionin Info Box të Radio Dukagjinit, kryetari i Prishtinës, Shpend Ahmeti, ka thënë se Xhamia qendrore do të ndërtohet, por se “kanë mbetur edhe disa çështje pa u definuar”.

“Xhamia do të ndërtohet; lokacioni është dhënë; kanë mbet disa çështje të definohen”, ka thënë ai në bashkëbisedim me gazetarin Fidan Rama. “BIK tha se kjo xhami është e stilit klasik osman, e se financues është Bashkësia Islame Turke që ka financua edhe Xhaminë në Tiranë”!

Ahmeti komentoi edhe çështjen e pronës që Komuna duhet të ndajë për Ambasadën e Shqipërisë në Kosovë. Sipas tij, Lidhja Demokratike e Kosovës, gjatë kohës që ishte në krye të Prishtinës, parcelën në fjalë e kishte ndarë për të ndërtuar selinë e LDK-së. /RTV D/Telegrafi/