Njohësit e çështjeve politike paralajmërojnë se partia e ish-kryeministrit, Nikolla Gruevski po krijon mekanizma juridik për të bllokuar punën e Kuvendit.
Partia e Gruevskit, OBRM-PDUKM, aktualisht në opozitë, nuk ka formuar një grup parlamentar, por dhjetë grupe të ndara me dhjetë koordinatorë të ndryshëm.
Një veprim i tillë, nga OBRM-PDUKM, është arsyetuar se në këtë formë po i kontribuohet zhvillimit të debatit në institucionin ligjvënës.
Nga Instituti për Demokraci, organizatë kjo e cila për më gjatë se tri vjet po monitoron punën e Kuvendit të Maqedonisë, sqarojnë se në bazë të rregullores së punës së Kuvendit, OBRM-PDUKM duke pas dhjetë koordinatorë të grupeve parlamentare, përmes paraqitjeve procedurale do të mund të bllokojnë me ditë të tëra, madje dhe javë, iniciativat e shumicës parlamentare, përmes ndërhyrjeve procedurale.
Kjo formë e bllokadës, sipas këtij Instituti, po ndodhë në kohën kur Kuvendi duhet të kalojë ligjet me prioritet që ndërlidhen me proceset integruese, përkatësisht me planin e paralajmëruar nga Qeveria, të njohur si “plani 3-6-9” (plani tre mujor).
Vlora Reçica nga Instituti Demokratik thotë se zgjidhja e vetme për të dalë nga kjo situatë mbetet ndryshimi i rregullores së punës së Kuvendit të Maqedonisë.
“Ideja për pjesëmarrje më të madhe të deputetëve në diskutime, në parim është demokratike, por ajo do të arrihet me ndryshimin e rregullores së punës ku do të zgjatej koha për diskutim për të gjithë deputetët”.
“Duke gjykuar nga përvoja e mëhershme, që me formimin e grupeve parlamentare, koordinatorëve u mundësohet më shumë hapësirë për të diskutuar. Ka shumë gjasa që kjo mundësi të shfrytëzohet për të bllokuar punën e Kuvendit të Maqedonisë, veçanërisht gjatë periudhës kur duhet të realizohen reformat urgjente në më shumë lëmi”, thotë Reçica.
Ndryshe, ish-kryeministri Nikolla Gruevski në paraqitjen e tij para një jave, menjëherë pas konferencës për shtyp të Prokurorisë Speciale Publike, e cila bëri të ditur se ditur se ka ngritur 18 aktpadi të reja, mbi bazën e të cilave ndiqen penalisht zyrtarët e lartë të OBRM-PDUKM-së, tha se po përfundon koha kur partia e tij dhe deputetët e kësaj partie do të sillen në mënyrë konstruktive.
Njohësit e çështjeve politike thonë se bllokimi i punës së Kuvendit, më së paku do t’i sjellë diçka të mirë OBRM-PDUKM-së.
“OBRM-PDUKM absolutisht si parti parlamentare, me bllokimin e punës së institucionit ligjvënës nuk do të fitojë asgjë, madje mendoj se do të dalë humbëse sepse qytetarët e Maqedonisë tanimë treguan se dinë të dënojnë politikat populiste dhe ata të cilët nuk punojnë në funksion të demokratizimit të institucioneve, por për interesa të ngushta të krerëve të kësaj partie”, thotë Mitko Gaxhoski nga fakulteti i Shkencave Politike në Shkup.
Ndërkaq kryetari i Kuvendit të Maqedonisë, Talat Xhaferi ka theksuar se ai nuk mund ta pengojë formimin e 10 grupeve parlamentare, por kjo shkakton huti tek elektorati se për cilin grup parlamentar ata kanë votuar dhe kush në fakt prezanton interesat e tyre.
Ndryshe, OBRM-PDUKM edhe pas konstituimit të Parlamentit për muaj të tërë nuk ka formuar grupin parlamentar. Ndërkohë që pikërisht debatet e tej zgjatura të deputetëve të kësaj partie, ishin shkak që prolongohej dhe zgjedhja e kryetarit të Kuvendit i cili u zgjodh në një atmosferë të tensionuar, pas çka pasuan dhe zhvillimet e dhunshme në Kuvend më 27 prill, kur një grup i protestuesve, përkrahës të partisë së Nikolla Gruevskit, u futën me forcë në Kuvend dhe ushtruan dhunë ndaj deputetëve të shumicës parlamentare dhe ndaj gazetarëve./REL/
Lufta Prigozhin - Putin
Më shumë30-vjeçarja përpin aksidentalisht një gjilpërë, shpëtohet nga ekipi i Pulmologjisë
Prokuroria jep detaje për tentim vrasjen në Deçan – viktima në gjendje të rëndë pasi u ther me thikë
Zëvendësministrja Gashi takohet me homologun e Kolumbisë, bisedojnë për hapjen e ambasadës së Republikës së Kosovës
A takohen me njëri-tjetrin? - Osmani flet për raportet me kryeministrin Kurti
Pas takimit me Bislimin, Lajçak paralajmëron një vizitë edhe në Serbi
Tentim vrasje në Deçan, i dyshuari ik nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar