Ish kreu i FBI-së James Comey, ka dëshmuar sot para Senatit, duke thënë se shkarkimi i tij e kishte bërë konfuz dhe e ka shqetësuar atë.
Comey ka thënë se pas çdo kontakti me Presidentit Trump, ka mbajtur shënime sepse e dinte që një gjë e tillë do të vinte një ditë, duke shtuar se nuk ka qenë aspak e nevojshme ta bënte këtë me ish presidentin Obama.
Në deklaratën e tij, Comey jep hollësi befasuese për pesë biseda që ai ka patur me Trumpin dhe se ai i ka kërkuar të ndryshojë rrjedhën e hetimeve të FBI-së për ndërhyrjen e Rusisë në zgjedhjet presidenciale amerikane.
Në një pasazh tjetër, Comey dëshmon se Presidenti Trump i kishte kërkuar më 14 shkurt të hiqte dorë nga hetimi për gjeneralin Michael Flynn, i cili ishte shkarkuar si këshilltar i sigurisë kombëtare një ditë më parë.
“Shpresoj se ju mund të gjeni mënyrën për të hequr dorë nga kjo, për ta lënë çështjen Flynn,” i ka thënë Trump.
Muajin e kaluar, Trump mohoi kategorikisht se i kishte bërë presion ish-shefit të FBI-së që të mbyllte çështjen Flynn ose të hiqte dorë nga hetimi i saj.
Pas deklaratës së tij, disa kritikë të Trump kanë thënë se pohimet e Comey tregojnë se presidenti është përpjekur të ndërhyjë në mënyrë të papërshtatshme, transmeton vizionplus.
Kujtojmë se Comey u shkarkua nga detyra muajin e kaluar. Shtëpia e Bardhë në fillim lëshoi një deklaratë duke thënë se shkarkimi ishte bërë me rekomandimin e Zëvendës Prokurorit të Përgjithshëm Rod Rosenstein, i cili kishte dërguar një “memo” ku kritikonte mënyrën se si zoti Comey i trajtoi hetimet rreth çështjes së emailave të kandidates demokrate për presidente, Hillary Clinton.
Pas kësaj, drejtori i shkarkuar i FBI-së, James Comey, ka nisur dëshminë e tij publike në Senatin Amerikan.
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251