Giroud shpreson në qëndrimin e Wengerit te Arsenali

Sulmuesi i Arsenalit, Olivier Giroud shpreson që Arsene Wenger do të qëndrojë në Emirates Stadium edhe pas përfundimit të sezonit 2016-17.

Kontrata e Wengerit skadon në fund të sezonit dhe kjo mbetet për t’u parë nëse ai do të bie dakord për një marrëveshje të re me klubin londinez.

Lexo po ashtu Tifozët e Arsenalit të ndarë, përdorin aeroplanët për të përkrahur dhe protestuar drejt Wengerit (Foto/Video)

Disa mbështetës kanë bërë thirrje për largimin e 67-vjeçarit në muajt e fundit pas edhe një tjetër sezoni zhgënjyes, por menaxheri i West Brom, Tony Pulis deklaroi këtë javë se synon që Wenger të qëndrojë ende në Ligën Premier.

Giroud gjithashtu ka folur për të ardhmen e bashkëkombësit të tij, duke shpresuar se Wenger do të vazhdojë qëndrimin e tij në veri të Londrës.

“Ne duam të shohim Arsenen duke nënshkruar një marrëveshje të re”, ka thënë fillimisht Giroud për InfoSport Plus.

Lexo po ashtu Wenger: Menaxherët, një ditë ‘idiot’ - ditën tjetër ‘hero’

“Ne duam që ai të vazhdojë këtë aventurë, sepse ne të gjithë e mbështesim atë”, përcjell Telegrafi.

“Ne shpresojmë për të fituar Kupën FA këtë sezon dhe të kualifikohemi për në Ligën e Kampionëve sërish”, përfundoi sulmuesi francez.

Wenger zbuloi të shtunën se ai ka marr tashmë një vendim, por ende nuk e zbuluar se çfarë ka ndërmend të bëjë. /Telegrafi/