Interi barazon ndaj Torinos dhe zbehë ëndrrën për një vend në LK (Video)

Interi ka barazuar ndaj Torinos me rezultat 2-2 në Serie A.

Ishte një lojë me intensitet të lartë dhe me shumë shanse nga të dy anët, por në fund rezultati i barabartë ishte ai më i drejti.

Goli i parë në takim erdhi nga Goeffrey Kondogbia në minutën e 27-të, por vendasit barazuan me anë të Daniele Basellit pesë minuta më vonë dhe me rezultatin 1-1 përfundoi pjesa e parë.

Torino kaloi në epërsi në minutën e 59-të me anë të Afriyie Acquah pas asistimit nga Juan Iturbe.

Por, Interi nuk humbi motivon dhe në minutën e 61-të befasoi me golin e bukur nga Antonio Candreva.

Në pjesën e mbetur të lojës të dy skuadrat rrezikuan, por nuk arritën të gjejnë rrugën drejt golit.

Pas këtij barazimi Interi vazhdon në vendin e pestë me 55 pikë, pesë pikë më pak se Napoli në vendin e tretë që dërgon në Ligën e Kampionëve. Torino renditet në vendin e dhjetë me 40 pikë.

Ndeshja e ardhshme e zikaltërve është ndaj Sampdorias, kurse Toro pret Udinesen. /Telegrafi/

http://www.dailymotion.com/video/x5f6f1t_0-1-kondogbia-goal-18-03-2017-hd_sport

http://www.dailymotion.com/video/x5f6hcz_daniele-baselli-goal-hd-torino-1-1-inter-18-03-2017_sport

http://www.dailymotion.com/video/x5f6pv1_2-1-afriyie-acquah-goal-hd-torino-2-1-inter-18-03-2017_sport

http://www.dailymotion.com/video/x5f6mnz_2-2-antonio-candreva-goal-18-03-2017-hd_sport