Zaev: Ivanovi ka afat 10 ditë të jep mandatin (Video)

Kryetari i LSDM-së, Zoran Zaev sot në konferencën për shtyp e ka prezantuar programin për qeverinë e ardhshme, njofton Telegrafi Maqedoni.

Zaev ka theksuar se programi për qeverinë e ardhshme lidhet me programin qeverisës, gjegjësisht platformën e LSDM-së.

Maqedonia do të jetë shtet për të gjithë. Qeveria duhet të angazhohet për qytetarët e saj, të të gjitë komuniteteve dhe jo tensione ndëretnike dhe ndërfetare. Maqedonia duhet të zhvillohet drejt integrimit evropian, strategji interesi për vendin, e cila do tu ofrojë cilësi qytetarëve duke i marrë parasysh të gjithë reformat urgjente, ka deklaruar ndër të tjera Zaev.

Zaev poashtu ka theksuar se në qeverinë e re LSDM do të mundësojë lirinë medias, zbardhjen e të gjithë rasteve të montuara si ato politike por edhe rastin e Martin Neshkovskit.

‘Qeveria e re do të angazhohet që të zbardh rastin e Kumanovës, me mbështetjen e ndërkombëtareve për ata të cilët kanë qëndruar prapa rastit. Ministria kompetente do të japë mbështetje për “Sopotin” “Brodecin”, “Monstrën”, “Nikolla Mlladenov” dhe “Martin Neshkovskin”’, theksoi Zaev.

Zaevi ka theksuar se secili që do të flet gjuhën e tij amtare, asgjë nuk do të humbas por do të fitojë Republikën e Maqedonisë. Zaev më tej ka theksuar se institucionet do të jenë të detyruara të komunikojnë edhe në gjuhën shqipe për komunitetin shqiptar.

Ai më tej shtoi se ka ardhur koha kur politikanët duhet të frikësohen nga qytetarët, për çdo mossukses të japin përgjegjësi. I bëj thirrje Gjorge Ivanovit që nuk ka kompetenca kushtetuese, se ka një program i cili kujdeset dhe e mbron shtetin unitar, ka potencuar Zaevi.

Në pyetjen e gazetarëve për hapat e ardhshëm për formimin e qeverisë, Zoran Zaev ka theksuar se Ivanov duhet t’iu drejtohet qytetarëve pse nuk na mandatoi dhe se ai ka kohë jo më shumë se 10 ditë ta bëjë këtë, duke na caktuar si mandator. /Telegrafi/