Pas protestës, PD po shqyrton opsionin e grevës së urisë

Protesta e Partisë Demokratike nisi në mesditë me fjalën e disa qytetarëve dhe më pas edhe të kreut të saj, Lulzim Basha.

Por nëse nisja u mësua, përfundimi i protestës nuk dihet ende. Protestuesit janë ftuar që të ngrenë çadra nga organizatorët e tubimit, ndërkohë që burime brenda Partisë Demokratike nuk përjashtojnë mundësinë e hyrjes në një grevë urie, njofton Top Channel.

Kreu i FRPD, Belind Këlliçi tha se do të shkohet edhe drejt grevës nëse qytetarët vendosin për këtë.

“Nuk e dimë sesa do të rrimë. Qytetarët nuk ka policisë që i largon dhe kjo mund të jetë pikënisja e një greve urie”, thonë burimet pranë PD.

Ish-kryeministri i Shqipërisë, Sali Berisha, që ka udhëhequr për shumë vite me PD-në, ka thënë se në protestën e sotme kanë marrë pjesë rreth gjysmë milioni shqiptarë.

Partia Demokratike në Shqipëri është duke protestuar një përpjekje për të detyruar kryeministrin Rama të japë dorëheqjen.

Opozita e akuzon kryeministrin për mungesën e vullnetit për realizimin e zgjedhjeve të lira e të ndershme, por nga skenari i 18 shkurtit tani për tani njihet vetëm koha e nisjes së protestës.