Super Dzeko, Roma shkatërron Villarealin (Video)

Roma ka bërë një hap të madh drejt kalimit në rrethin tjetër në Ligën së Evropës.

Skuadra italiane ka arritur një fitore bindëse te Villareal duke e mposhtur me rezultat të thellë 0-4.

Villareal llogaritej si favorite në letër dhe e nisi ndeshjen me disa sulme ndaj portës së Romës.

Mirëpo ‘Giallorosët’ pas 15 minutave të parë morën nën kontroll lojën dhe filluan të sulmojnë.

E goli i parë për kryeqytetasit italian erdhi pasi kaluan gjysmë ore lojë.

Një aksion mirë i ndërtuar nga mysafirët, bëri që mbrojtësi i majtë, Emerson Palmieri të shënoi një super gol.

Braziliani realizoi nga një distancë rreth 20 metrave me një goditje të fortë.

Me epërsinë 0-1 të Romës përfunduan 45 minutat e parë në ‘Estadio de la Ceramica’.

Edhe në pjesën e dytë Roma luajti më mirë dhe arriti të shënoi edhe një gol.

Inkuadrimi i Mohamed Salah në lojë e ndryshoi për të mirë lojën e Romës.

Ishte pikërisht egjiptiani që pas tre minutave asistoi bukur tek Edin Dzeko i cili shënoi për 2-0 nga afërsia.

11 minuta para fundit të ndeshjes, Edin Dzeko përsëri bëhet protagonist.

Kësaj radhe boshnjaku u asistua nga braziliani Juan Jesus dhe pasi doli i vetëm përballë portierit vendas e mposhti atë për 0-3.
Por boshnjaku nuk u ndal me kaq, pasi kompletoi het-trikun disa minuta më vonë.

Me tre golat e shënuar sonte, Dzeko është ngritur në krye të golashënuesve në Ligën e Evropës me tetë gola.

Pas kësaj fitore,Roma thuajse ka siguruar fazën tjetër në Ligën e Evropës. /Telegrafi/