Interi me ofertë monstruoze për Conten

Sipas mediave italiane, pronarët kinezë të Interit, Suning Group, janë të gatshëm për t’i ofruar menaxherit të Chelseat, Antonio Contes, plot 15 milionë euro në vit dhe 400 milionë euro për transferime.

Sipas faqes së parë të gazetës me bazë në Torino, Tuttosport, Nerazzurrët janë të gatshëm për ta thyer banka vetëm për të tërhequr Conten që të kthehet në kampionatin italian, Serie A.

Lexo po ashtu Interi do të shpenzojë gjatë verës, mësoni shënjestrat për të gjitha pozitat

Ata do t’i ofrojnë Contes një kontratë katër-vjeçare me vlerë totale prej 60 milionë eurove, plus një shumë marramendëse prej 400 milionëve për të rinovuar skuadrën, përcjell Telegrafi.

Kjo do të ishte një kthesë e jashtëzakonshme nesë do bëhej pasi duke marrë parasysh lidhjen e ngushtë që Conte ka pasur gjithmonë me rivalët e Interit, Juventusin, si lojtar dhe një trajner, ku pastaj kaloi dy vjet në stolin e kombëtares së Italisë para se të shkojë në Chelsea, ku është duke dominuar momentalisht Ligën Premier.

Lexo po ashtu “Po mundohem ta bind Ronaldon që t’i bashkohet Interit”

Konzerciumi kinezë, Suning Group, kanë blerë Interin kohëve të fundit nga Erick Thohir dhe Massimo Moratti, duke e bërë pastaj të qartë dëshirën e tyre për transferimin në klub të emrave të profilit të lartë.

Megjithatë, vendimi i tyre për të emëruar Frank de Boerin dështoi në mënyrë spektakolare këtë sezon dhe ai u shkarkua brenda tre muajve, teksa trajneri i ardhur, Stefano Pioli, ka fituar nëntë ndeshje radhazi, por ka ende pikëpyetje për të ardhmen afatgjatë. /Telegrafi/