Julian Deda, Hashim Thaçit: Ndërtojeni një mur me Serbinë sikur Donald Trump me Meksikën!

Julian Deda është një prej aktorëve që herë pas here flet edhe ngjarjet që e preokupojnë shoqërinë.

Aktori shqiptar së fundi ka folur për murin e ndërtuar prej serbëve në urën mbi lumin e Ibrit në Mitrovicë.

Madje, Deda i ka dhënë një këshillë presidentit kosovar Hashim Thaçi që të ndjek shembullin e presidentit amerikan Donald Trump, i cili po kërkon të ndërtojë një mur në kufirin me shtetin meksikan, transmeton Telegrafi.

Ai sugjeron që të prishet muri aktual dhe ndërtohet një më i madh në mënyrë që asnjë serbë të mos mundet të hyjë në Kosovë.

“Po te isha President i Kosovës, do ndiqja shembullin e Trump për ndërtimin e murit me Meksikën.
Do kisha shembur atë ndyrësirë muri që ndërtuan serbët në Mitrovicë dhe do ndërtoja një tjetër vet, akoma më të lartë dhe shumë më të trashë, që të mos ketë byçe serbi të futet. Do e ndërtoja vet dhe do i detyroja ta paguanin. P.s. Pse jo? Kosova është shtet i pavarur dhe mund të bëjë gjithçka për të mbrojtur paprekshmërinë e territorit te saj”, ka shkruar Deda në Facebook. /Telegrafi/