Përgatitet Propozim – Strategjia 2017 – 2022 për mbrojtjen e të dhënave personale në Maqedoni

Në fazën finale është përpilimi i Propozim – Strategjia 2017 – 2022 për zbatimin e të drejtës së mbrojtjes së të dhënave personale, përcjell Telegrafi Maqedoni.

Pritet që Drejtoria për mbrojte të të dhënave personale (DMDHP) ta prezantojë këtë dokument nesër para publikut më të gjërë, ku mes tjerash parashihet ridizajnimi i ligjësisë në kontekst të Rregulativës së BE-së të 25 majit të vitit 2016, i Parlamentit Evropian dhe i Këshillit për mbrojtjen e personave në aspekt të përpunimit të të dhënave personale dhe qasjen e lirë te ato të dhëna, që duhet të zbatohet nga 25 maji i vitit 2018.

Parashihet që për dy vite të bëhet analiza e strategjisë dhe plani aksional, që do të publikohet së shpejti. Njëkohësisht është duke u përgatitur një ligj i ri për mbrojtje të të dhënave personale me të cilin do të duhet të përshtaten edhe ligje tjera.

Forcimi i pozicionit të oficerëve për mbrojtje të të dhënave pesonale në institucionet publike dhe në sektorin privat është pjesë e projektit në fjalë. Tani për tani, Maqedonia ka gjithsej 2758 oficerë që janë emëruar nga të punësuarit në sektorin publik dhe privat. Ata trajnohen vazhdimisht./Telegrafi/