Kosova shumë shpejtë duhet të formojë Ushtrinë e saj, çoftë përmes ndryshimeve kushtetuese, ligjit apo formave të treta të mundshme. Qeveria dhe Kuvendi duhet të aktivizohen më shumë në përmbushjen e kërkesës së qytetarëve dhe nevojave të forcimit të shtetit.
Ndërkohë, që nga pavarësimi i vendit, Kosova në vazhdimësi është përballur me përpjekjet e Serbisë për destabilizim të situatës këtu, me çka edhe po e rritë presionin kohëve të fundit. Ne duhet t’u bëjmë ballë kërcënimeve të Serbisë dhe t’i ndalojmë ato. Kështu tha në një intervistë për KosovaPress, Agim Ceku, ish kryeministër i vendit.
Çeku, i cili udhëhoqi për një kohë edhe me Ministrinë e FSK-së, thotë se është momenti i fundit që Kosova ta ketë ushtrinë e saj dhe se kjo tashmë është nevojë imediate.“Kosova është dashur ta ketë ushtrinë deri tash. Por mendoj që tani është krijuar një ‘momentum’, është krijuar një nevojë imediate që të krijohet ushtria, në këtë mënyrë apo në atë mënyrë. Qoftë me ndryshime kushtetuese apo ndryshim ligji, apo qoftë me mënyrë tjetër të tretë. Kështu që, mendoj se është një presion edhe i kohës edhe i situatës dhe i vetë qytetarëve, që Qeveria të lëvizë dhe Parlamenti ta krijojë ushtrinë e Kosovës”, tha ai.
Ndërsa duke folur për gjendjen e krijuar në vend dhe kërcënimet që po bëhen nga Serbia, ish-shefi i Shtabit të Përgjithshëm të UÇK-së, Agim Çeku, thotë se Kosova ka para vetës shumë sfida dhe se institucionet e vendit kanë shumë punë për të bërë. Sipas tij, përpjekjet e Serbisë për ta destabilizuar Kosovën po vazhdojnë, madje me një intensitet të shtuar, por Kosova duhet të jetë në gjendje t’i ndalojë ato.“E kemi një situatë të tensionuar. E kemi një situatë në të cilën po përballemi me shumë sfida të sigurisë, shumë sfida të ndërtimit të shtetit dhe ka punë të madhe për institucionet e Kosovës. Vërtetë duhet të punojnë shumë, që të kemi një zhvillim normal të papenguar të jetës, ekonomisë dhe demokracisë në Kosovë…Që nga pavarësimi i Kosovës, Kosova është ballafaquar me përpjekjet e Serbisë që ta destabilizoj Kosovën. Që ta bëjë Kosovën shtet të dështuar dhe ende ato përpjekje po vazhdojnë, bile me një intensitet më të madh. Dhe ne duhet të jemi në gjendje që t’i ndalojmë këto kërcënime, tu bëjmë ballë këtyre kërcënimeve”, tha ai.
Ish kryeministri i Kosovës Agim Çeku, i cili katër vite më parë u bë pjesë e Partisë Demokratike të Kosovës, thotë se nuk është penduar për zgjedhjen që bëri sot e katër vjet më parë. Çeku tha se kthimi në familjen e tij politike, i ka mundësuar që të kontribuojë edhe më shumë për vendin, ngase, sipas tij, PDK ka guximin, vizionin dhe kurajën që ta udhëheq me vendin.“Thjeshtë qëllimi im ka qenë të kthehem në familjen time politike në PDK dhe e ndiej veten shumë mirë aty. Nuk e kam pasur ndonjë qëllim personal, por mendoj se brenda PDK-së mund të jap kontributin më të madh, sepse është partia më e madhe, është parti e themeluar nga miqtë e mi, me të cilët kam bashkëpunuar edhe gjatë kohës së luftës, bashkëluftëtarë të mi dhe thjeshtë mendoj, që do të vazhdojë të jetë partia më e madhe. Është partia e cila vërtetë ka vizion, ka guxim, ka kurajën dhe ka njerëz që mund ta udhëheqin këtë vend dhe duhet ta udhëheqin vendin”, tha Çeku.
Agim Çeku, kalimin në PDK, pas kohës që kaloi në AAK dhe PSD, e vlerëson edhe sot e asaj dite si bashkim me bashkëluftëtarët e tij, dhe thotë se nuk kishte ndonjë qëllim konkret për vete, por dëshira e tij është që ta shoh vendin stabil, të sigurt, funksional e me ushtri.
Çeku i cili vite më parë ishte dhe në garë për të parin e kryeqytetit, tashmë ka ndarë mendjen që asnjëherë më të mos kandidat për kryetar komune të Prishtinës, apo cilësdo komunë tjetër.
Promo
Reklamo këtuLufta Prigozhin - Putin
Më shumëZeqiri reagon pas shkarkimit: “Puç” i përgatitur prej kohësh
Babai i Hashim Thaçit flet pas takimit me djalin në Hagë
Thaçit i shkojnë për vizitë në Hagë prindërit e tij
Forca Detare shqiptare dërgon anijen e dytë në operacionet e NATO-s
Qëlloi me armë të bijën dhe më pas vrau veten, si ndodhi ngjarja e rëndë në Lushnjë
Shkarkohet kryetari i sindikatës së Policisë së Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare