“Alli, njëri nga më të mirët në Ligën Premier”

Mauricio Pochettino e ka cilësuar Dele Allin si një nga lojtarët më të mirë në Ligën Premier, por ka refuzuar të nxjerrë krahasime me ndonjë lojtarë tjetër.

Mesfushori anglez është duke përjetuar një super-formë këtë sezon, duke shënuar tre dy-golësha në ndeshjet e fundit dhe plot 10-të gola në këtë sezon të kampionatin anglez, duke bërë që të krahasohet me shumë emra të mëdhenj të futbollit, por trajneri i tij, Pochettino, ka një mendim ndryshe për të.

“Në ditët e fundit, shumë krahasime me lojtarë të tjerë janë shfaqur, por unë mendoj se ai është një lojtar shumë i veçantë, krejtësisht ndryshe”, ka thënë Pochettino për mediat angleze.

Lexo po ashtu Viti i supergolave në Ligën Premier, këto janë 10-të më të mirat e vitit (Foto/Video)

“Ai është Dele Alli dhe është e vështirë për të krahasuar me dikë. Potenciali i tij është i madh. Ai ka një hendek të madh për të përmirësuar, por ai ka treguar tashmë cilësi të pabesueshme dhe shfaqje të mëdha”, përcjell Telegrafi.

“Ai është një nga lojtarët më të mirë në Ligën Premier, por me potencial për tu përmirësuar ende”përfundoi trajneri i Tottenhamit. /Telegrafi/