Këshilli Gjyqësor dhe Këshilli Prokurorial i Kosovës po përballen me mungesë të efikasitetit, llogaridhënies dhe integritetit në ushtrimin e përgjegjësive kushtetuese dhe ligjore.
Kjo u bë e ditur në konferencën e Institutit të Kosovës për Drejtësi, ku u publikua raporti i monitorimit të KGJK-së dhe KPK-së për gjashtë mujorin e parë 2016.
Ehat Miftaraj, hulumtues i lartë në IKD, tha se gjatë monitorimit të këtyre dy këshillave kanë gjetur se këto dy këshilla gjatë miratimit të legjislacionit sekondar që derivon nga pakoja e ligjeve të gjyqësorit kanë devijuar.
“Këshilli Gjyqësor i Kosovës dhe Këshilli Prokurorial i Kosovës vazhdojnë të përballen me mungesë të efikasitetit, llogaridhënies dhe integritetit në ushtrimin e përgjegjësive kushtetuese dhe ligjore. Instituti i Kosovës për Drejtësi gjatë monitorimit të Këshillave, ka gjetur se KGJK dhe KPK gjatë miratimit të legjislacionit sekondar që derivon nga pakoja e ligjeve të gjyqësorit kanë devijuar, duke miratuar rregulla dhe vendime në kundërshtim me ligjin dhe duke zbatuar praktika dhe standarde të ndryshme”, tha Miftaraj.
Gjithashtu, ai bëri të ditur se edhe përkundër faktit se kanë kaluar gjashtë vjet prej hyrjes në fuqi të pakos së ligjeve të gjyqësorit, Këshillat ende nuk kanë arritur të përmbushin obligimet ligjore për miratimin e legjislacionit sekondar.
“Përkundër faktit se kanë kaluar gati gjashtë vite prej hyrjes në fuqi të pakos së ligjeve të gjyqësorit, Këshillat ende nuk kanë arritur të përmbushin obligimet ligjore për miratimin e legjislacionit sekondar. Për më tepër, Këshillat vazhdojnë të sillen me komoditet, duke mbajtur një numër relativisht të vogël të mbledhjeve me shumë pak pika përmbajtësore dhe në shumicën e rasteve, pikat e njëjta përsëriten në vazhdimësi. Gjatë procesit të miratimit të rregullave dhe vendimeve, Instituti i Kosovës për Drejtësi ka gjetur se mungon debati përmbajtjesorë në të dy këshillat. Ka anëtarë që asnjëherë asnjë fjalë nuk e kanë folur gjatë mbledhjeve të këshillave për gjashtë muaj, sikurse ka anëtarë të cilët për gjashtë muaj kanë diskutuar 30 sekonda deri në 1 minut në takimet e këshillit. Përderisa në KGJK ka diskutime nga shumica e anëtarëve për shumë pika, në K PK vërehet mungesë e demokracisë dhe dominimin e disktuimit nga dy tre anëtarë gjatë gjithë kohës”, tha Miftaraj.
Ai bëri të ditur se Këshilli Gjyqësor i Kosovës ende nuk ka arritur të miratojë rregulloret bazike për zbatimin e obligimeve ligjore të pakos së ligjeve të gjyqësorit, po ashtu, sipas tij edhe Këshilli Prokurorial i Kosovës nuk ka përmbushur obligimet ligjore të pakos së ligjeve të gjyqësorit as pas gati gjashte viteve që ka hyrë në fuqi.
Po ashtu, ai tha se aspekti i llogaridhënies vazhdon të mbetet shqetësues, ku sipas Miftarajt ka një varg shkeljesh nga Gjykatat dhe Prokuroritë prej të cilave këshillat nuk kanë kërkuar llogaridhënie.
“Aspekti i llogaridhënies vazhdon të mbetet shqetësues. Ka një varg obligimesh ligjore të pakryera nga Gjykatat dhe Prokuroritë për të cilat nuk ka kërkim të llogaridhënies nga Këshilli Gjyqësorë i Kosovës dhe Këshilli Prokurorial i Kosovës. Për më tepër, janë vetë Këshillat ata që nuk i përmbushin obligimet ligjore në këtë drejtim, duke instaluar në këtë mënyrë mungesën e kulturës së llogaridhënies dhe pandëshkueshmërinë në të gjitha hallkat e sistemit. Kryetaret e Gjykatave e as Kryeprokuroret e Prokurorive nuk kanë raportuar sipas ligjit para Këshillave, edhe përkundër faktit që me ligj prokurorët dhe kryetarët e gjykatave duhet të raportojnë baza tre mujore para Këshillave dhe të njëjtat raporte ti mbrojnë para Këshillave, por kjo nuk ka ndodhur në praktikë.”, tha ai.
Instituti i Kosovës për Drejtësi në këtë raport ka bërë edhe rekomandimet për Këshillin Gjyqësorë të Kosovës dhe për Këshillin Prokurorial të Kosovës.
Raportet e IKD-së janë rezultat i monitorimit të drejtpërdrejtë dhe sistematik të Këshillit Gjyqësor, Këshillit Prokurorial, Gjykatave dhe Prokurorive të rregullta në gjithë territorin e Republikës së Kosovës. Ndërsa, ky projekt mbështet nga Ambasada Britanike në Kosovë.
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City