Locatelli: Ëndrrat u bën realitet te Milani

Manuel Locatelli pranon se në vitin 2016, ëndrrat e tij janë bërë realitet dhe këtë nuk e priste, por sipas tij ende nuk ka ardhur më e mira për të në Milano.

Mesfushori 18-vjeçar bëri në maj debutimin e tij në Serie, ndërsa më pas u bë një lojtar i rregullt i formacionit të Vincenzo Montellas, pas lëndimit të Riccardo Montolivos, duke shënuar gola të bujshme kundër Sassuolos dhe Juventusit.

“Ishte një vit i rëndësishëm për mua, pasi kam bërë ëndrrat realitet dhe gjërat që ndodhën kurrë nuk i kam pritur, por unë duhet të vazhdojë kështu dhe të shpresojë që të bëjë mirë edhe në vitin e ardhshëm gjithashtu”, ka thënë Locatelli për Milannews.it.

“Unë duhet të vazhdojë të punojë, sepse më e mirë ende nuk ka ardhur. Është e mrekullueshme të jem këtu si përfaqësues i skuadrës së parë. Njerëz të veçantë punojnë për akademinë, si Filippo Galli, Cristian Brocchi dhe Walter De Vecchi më ka ndihmuar shumë”, përcjell Telegrafi.

“Montolivo ka qenë gjithmonë shembull për mua dhe është një person shumë i veçantë. Ignazio Abate dhe Jack Bonaventura ishin gjithashtu shumë të dobishëm për mua. Trajneri më thotë për të mbajtur gjërat e thjeshta”, përfundoi talenti italian. /Telegrafi/