Shilegov: Të dielën do të festojmë fitoren e jetës në Maqedoni!

Kandidati i LSDM-së për deputet, Petre Shilegov, u është drejtuar tetovarëve me një letër të hapur, duke kërkuar mbështetjen e tij dhe të programit politik që ofron LSDM-ja.

Në deklaratën dërguar Telegrafit Maqedoni, mes tjerash thuhet ”të nderuar media, të dashur tetovarë, sot është dita e fundit të fushatës dhe jam i sigurt se gjatë kësaj periudhe kishit mundësinë për të njohur të gjithë programet e ofruara. E di se e keni njohur mirë Planin për jetë në Maqedoni. Ky Plan do të përgjigjet të gjithë nevojave tona.

Të nderuar qytetarë, sot, në ditën e fundit të fushatës, të gjithë e kanë të qartë se do të ketë nfryshime, se patjetër duhet të ketë ndryshime. Ato ndryshime nuk janë të realizueshme me Gruevskin dhe DPMNE. Ndryshimet janë të domosdoshme dhe të realizueshme vetë nëse e ndryshojmë këtë pushtet të regjimit dhe jopopullor.

Ju bëj thirrje të gjithëve, të dielën, të gjithë së bashku të dilni në vendet e votimit dhe ta rrethoni numrin 4, sepse numri 4 vetëm mund të ofrojë ndryshime cilësore të jetesës sonë.

Këtu, në zonën 6, të gjithë jemi të ndryshëm, por kemi problemë të njëjtë. Mu për shkak të kësaj duhet dalë të bashkuar në vendet e votimit. Të gjithë ne dëshirojmë një jetë të mirë, me cilësi dhe mundësi për përparim, për ne dhe fëmijët tanë. Duam ta shohim Maqedonin e zhvilluar. Duam jetë në Maqedoni! Këtë mundemi të arrijmë së bashku.

Të dielën do të festojmë fitoren. Të dielën do të festojmë jetën. Të dielën kthehet jeta në Maqedoni!”/Telegrafi/