Partitë shqiptare harrojnë premtimet e kaluara, dalin me premtime të reja
Partitë kryesore politike shqiptare, Bashkimi Demokratik për Integrim dhe Partia Demokratike Shqiptare, fushatën elektorale për zgjedhjet e 11 dhjetorit e kanë vazhduar me premtimet për avancimin dhe mbylljen e çështjeve të pazgjidhura shqiptare.
Në mitingjet partiake, drejtuesit e BDI-së kanë thënë se në pushtetin e ardhshëm të gjitha vendimet do të merren me konsensus, si në Kuvendin e Maqedonisë ashtu edhe në institucionet tjera, qoftë politike apo ekonomike.
Vendimmarrja konsensuale është edhe një nga pesë pikat e platformës së kësaj partie. Për dallim nga ciklet e kaluara zgjedhore, vendimmarrja konsensuale është vendosur si parësore për këtë parti, edhe pse aktualisht në fuqi është votimi i dyfishtë në Kuvend dhe disa organe tjera, apo siç njihet ndryshe, si Parimi i Badenterit.
Ekspertët thonë se partitë shqiptare duhet të angazhohen për forcimin e këtij mekanizmi dhe jo të dalin me premtime tjera.
“Është shumë me rëndësi që vendosja konsensuale apo votimi me Badenter, të zgjerohet edhe në institucione tjera dhe për çështje tjera shumë të rëndësishme që drejtpërdrejt i prekin çështjet shqiptare si element juridik, politik, demokratik, ekonomik në këtë vend. Prandaj, edhe duhet të zërë vend edhe në institucione tjera si në Qeveri, Gjykatë Kushtetuese, buxhet dhe sfera tjera që prekin shqiptarët”, konsideron Mersim Maksuti, profesor i së Drejtës Kushtetuese në Universitetin e Tetovës.
Ai shton se çështja e vendimmarrjes me konsensus nuk mund të rregullohet për ndryshime ligjore, e madje edhe kushtetuese.
Ismet Ramadani, njohës i çështjeve politike, thotë se partitë veprojnë në bazë të pritjeve të elektoratit dhe premtimi përmarrjen e vendimeve me konsensus, mund t’u sjell atyre pikë politike, andaj edhe zë vend në programet e tyre.
“Mendoj se partitë politike si duket e kanë kuptuar se një paraqitje e tillë ndez tek elektorati, si një çështje edhe e rëndësishme, por edhe e pritshme për shqiptarët. Në fakt, ka mundësi të vijë në shprehje konsensualiteti, por krejt kjo varet prej vullnetit politik”, thotë për REL Ramadani.
Nga ana tjetër, Bashkimi Demokratik për Integrim për dallim nga ciklet e kaluara zgjedhore, tani nuk përmend marrjen e njërit nga tre postet kryesore në shtet, qoftë të presidentit, kryeministrit apo kryetarit të Kuvendit.
Ndërkohë, Partia Demokratik Shqiptare e opozitës në vazhdimësi premton se pas zgjedhjeve, në rast të fitores do të angazhohet që Qeveria e re të ketë vetëm një zëvendëskryeministër me të drejtë të vetos dhe ai të jetë nga radhët e partisë shqiptare që fiton zgjedhjet.
Ekspertët thonë se premtime të tilla dëgjojnë në vazhdimësi, por që janë për retorikë zgjedhore dhe asgjë më shumë.
Profesori Mersim Maksuti thotë se partitë shqiptare flasin për postet kryesore në shtet, ndërkohë që ende nuk kanë arritur t’i mundësojnë përdorimin e shqipes nënkryetarit të Kuvendit, që aktualisht llogaritet si posti më i lartë që ata drejtojnë në institucione.
“E keqja më e madhe është se, edhe pse me Rregulloren e punës së Kuvendit lejohet që çdo përfaqësues i zgjedhur të mund të përdorë edhe gjuhën shqipe, kjo nuk ndodh nga pafuqia politike e subjektit politik në pushtet. Pra, kjo ndodh edhe pse një të drejtë të tillë e garanton Rregullorja e punës së Kuvendit”, thekson Maksuti.
Fushata elektorate mbyllet më 9 dhjetor, ndërsa zgjedhjet mbahen më 11 dhjetor ku të drejtë vote për zgjedhjen e përbërjes së re parlamentare kanë rreth 1.7 milionë qytetarë./Telegrafi/
Promo
Reklamo këtuLufta Prigozhin - Putin
Më shumëNga Rubrika
U vdiq djali pesë ditësh në maternitetin e Vlorës, babai mes lotësh: E gjeja doktoreshën duke luajtur në telefon
Rritja 20 për qind e pensioneve, Haradinaj: Mashtrim i Kurtit në shkëmbim të votës
Ranë në kontakt me energjinë elektrike, lëndohen dy punëtorë në Parkun Industrial “Trepça” në Mitrovicë
Ministrat shqiptarë në Qeverinë e Maqedonisë nuk marrin pjesë në ceremoninë e pritjes së kryeministrit serb
Qeveria ndryshon masën e sigurisë ndaj produkteve serbe, flet Kusari-Lila
Dy të arrestuar nga aksioni në "Pallatin e Rinisë"
Aksioni në "Pallatin e Rinisë, deklarohen nga ndërmarrja: Po bashkëpunojmë me autoritetet përkatëse
Vrau shokun që e strehoi, arrestohet 40-vjeçari në Vlorë
Protesta e opozitës, ambasada e SHBA në Tiranë mesazh qytetarëve amerikanë: Shmangni demonstratën
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës