Avni Kastrati falënderon djalin e Agim Bahtirit për ndërtimin e një shtëpie për veteranin e UÇK-së

Dega e PDK-së në Mitrovicë mbajti një konferencë për media, ku ata shpalosen dështimet në zhvillimin ekonomik të Mitrovicës.

Kryetari i degës së PDK-së në Mitrovicë, Avni Kastrati, kritikoi dhënien e parcelave në Zonën e Lirë Ekonomike për 16 kompani, duke thënë se është dashur të pritej rregullimi i tërësishëm i infrastrukturës, e tek pastaj të jepeshin parcelat.

Ai po ashtu përmendi edhe premtimet e kryetarit Agim Bahtiri gjatë fushatës zgjedhore, për të cilat tha se nuk i ka realizuar, shkruan Veriu.info.

Mirëpo, te premtimi për ndërtimin e shtëpive për rastet sociale, Kastrati i PDK-së përmendi shtëpinë e ndërtuar për veteranin e UÇK-së, Dibran Qela- djali i kryetarit, Agim Bahtiri.

Ai tha se ka lexuar për një rast të një luftëtari (v.j. UÇK-së), djali i Agim Bahtirit ia ka ndërtuar një shtëpi dhe për atë e ka falënderuar, por ka thënë se raste tjera të ndërtimit të shtëpive nuk ka.

Ndryshe, gjatë verës djemtë e kryetarit Agim Bahtiri, i kanë ndërtuar shtëpi veteranit të UÇK-së, Dibran Qela, i cili qe 17 vite ishte pa kulm mbi kokë.