Shumë prej këtyre zërave i duken të njohur opinionit në Maqedoni. Por deri më tani, asnjë institucion nuk ka provuar shkencërisht origjinalitetin e zërave që dëgjohen në mijëra përgjimet që i janë dorëzuar Prokurorisë Speciale, përcjell Telegrafi Maqedoni.
Televizioni 21 mëson jo-zyrtarisht se një ekip amerikan tashmë ka zbarkuar në Shkup pikërisht për këtë punë. Burimet e televizionit shtojnë se ekipet e specializuara forenzike të Byrosë Federale të Hetuesisë-FBI, kanë marr mandat për këtë gjë nga autoritetet vendore, të cilat i kanë ftuar “për të dhënë ekspertizën e tyre”.
Ky televizion e ka pyetur ambasadën e Shteteve të Bashkuara të Amerikës në Shkup për këtë gjë, dhe e njëjta nuk ka dhënë përgjigje të prerë nëse ekspertë të FBI-së, janë sjell në Maqedoni për të ndihmuar autoritetet lokale.
Kjo seli diplomatike sqaron ndërkaq se përmes programeve të ndryshme janë ofruar trajnime për institucione të ndryshme juridike, përfshirë për prokurorët.
“Për më tepër, agjenci të ndryshme amerikane të hetuesisë, duke përfshirë FBI-në, kanë kontakte të rregullta me partnerët ndërkombëtar, për të promovuar dhe përparuar bashkëpunimin ndërkombëtar në drejtësi, përmes një game të gjerë të çështjeve”.
Partia Sociale Demokrate e Maqedonisë-LSDM, ka dorëzuar vitin e kaluar mbi gjysmë milion materiale të përgjuara, në të cilat dëgjohen personalitete të larta shtetërore, duke shkelur autoritetet zyrtare.
Për shkak të efektit që krijoi në opinion, autoritetet ndërkombëtare ulën liderët e katër partive politike parlamentare, që të pajtohen për krijimin e Prokurorisë Speciale, e cila ka për detyrë që të hetojë “bombat” siç i quante opozitare Zaev “përgjimet”.
Deri më tani, prokuroria speciale ka ngritur tetë aktakuza, dhe po pret t’i procesojë ato në gjykatë.
Mirëpo, një gjykatë në Shkup ka nxjerr vendim se “përgjimet” të cilat po i heton PSP-ja, nuk do të merren si provë materiale për proceset eventuale gjyqësore, meqë ato janë marr në rrugë ilegale, dhe pa urdhër gjykate.
Përgjimet dyshohet se i ka bërë Drejtoria e Sigurisë dhe Kundër-Zbulimit (DSK), por kjo gjë ende nuk është vërtetuar.
As puna e ekspertëve të FBI-së nuk pritet që të bëhet publike shpejt.
Televizioni mëson nga një burim tjetër se çështja “e hetimeve të autenticitetit të përgjimeve” nuk duhet të dal në opinion para zgjedhjeve “për arsye të korrektësisë politike”.
Por burime tjera brenda organit të ndjekjes e shohin si jo-relevante këtë aspekt, meqë kujtojnë se një provë e autenticitetit është prodhuar kohë më parë nga një medie ndërkombëtare, e cila ka dërguar një audio inxhizim të përgjimeve në kontroll laboratorike.
Përveç autenticitetit, ekipi i ekspertëve mjeko-ligjor amerikan, do të hetojnë edhe një aspekt tjetër të përgjimeve, për atë nëse ato janë të prera dhe të montuar, apo janë biseda origjinale./Telegrafi/
Lufta Prigozhin - Putin
Më shumë“Me Kurtin Shqipëria shpreson, me ty Shqipëria vdes” – Rama pritet me parulla kundër tij në Itali
Dreshaj: Qeveria aktuale mashtroi pensionistët, i shndërroi në lypsarë
Arrestohet punëtori i aeroportit të Rinasit, i vodhi pasagjerit orën në vlerë 20 mijë euro
Serbia i kërkon NATO-s të mos ia avancojë statusin Kosovës
Goditi me çekan një të mitur, policia arreston të dyshuarin në Podujevë
KFOR-i negocioi largimin e terroristëve nga Banjska, Islami: Qëllimi ishte dëbimi, e jo vrasja e tyre
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Shpërthejnë komentet negative, menjëherë pas eliminimit të Meriton Mjekiqit nga gara
Fjalët e para të Toni Kroos pasi luajti ndeshjen e tij të fundit në “Santiago Bernabeu”
Finalja e BBVA 3, Heidi Baci elimohet - Julian Deda vazhdon përpara me Eglën dhe Romeon
Si e menaxhoi Qeveria e Kosovës sulmin kibernetik që erdhi nga Rusia?
Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale
NYT: Grenelli i kishte propozuar Trumpit ta vizitonte Thaçin në Hagë, por ai refuzoi