Kryetari i Federatës së Futbollit të Kosovës (FFK), Fadil Vokrri bëri vlerësimin e gjendjes së skuadrës së përfaqësueses së Kosovës, si dhe komentoi rreth ndeshjeve të ardhshme kualifikuese për Botërorin 2018, Turqi-Kosovë.
Në një intervistë për Anadolu Agency (AA), Vokrri u shpreh se rezultatet përfundimtare të ndeshjeve të përfaqësueses së Kosovës nuk po e reflektojnë të vërtetën, ajo e cila po shihet në fushë. Ai këtë vlerësim e bëri veçanërisht për ndeshjet me Finlandën dhe Ukrainën, kurse për atë me Kroacinë tha se ishte një disfatë e thellë.
“Mendoj që edhe kualiteti është në pyetje sepse Ukraina është një ekip i përmasave të tjera, së bashku me Kroacinë. Kështu që ndoshta rezultatet janë të thella mirëpo mendoj se humbjet janë logjike në këtë kompeticion ku jemi sot”, tha Vokrri.
Sa i përket thënieve se trajneri i përfaqësueses do të zëvendësohet me një trajner tjetër, Vokrri deklaroi se “Thëniet nuk ndalen kurrë në futboll dhe nuk do të ndalen as tek ne. Mirëpo ne do ta vazhdojmë punën dhe ajo çka është me rëndësi është që ky ekip i ri, që ka një të ardhme të ndritur, do të vazhdojë me punën e tij dhe sigurisht që në vitet e ardhshme do të jetë një ekip i cili do të jetë edhe më kompetitiv se që është sot”.
“Turqia është një superfuqi në futbollin evropian me vite të tëra”
Në anën tjetër Vokrri komentoi edhe ndeshjen e ardhshme me Turqinë e cila do të luhet më 12 nëntor në Antalia. Ai theksoi se si ekipi i Kosovës ashtu edhe ai i Turqisë përbëhen nga lojtarë të rinj, të cilët kanë nevojë për kohë.
“Turqia ka bërë një ndërrim gjeneratash. Është një ekip i ri i cili nuk ka startuar mirë, po ashtu sikurse ne. Mirëpo Turqia është një superfuqi në futbollin evropian me vite të tëra, është në majat e futbollit evropian dhe mendoj se do të jetë një takim i vështirë. Mirëpo, sigurisht që edhe ne do të kujdesemi që të mos humbim në mënyrë të lehtë dhe naive”, tha Vokrri.
Duke vënë në dukje se ndeshjet e deritanishme janë eksperiencë si për lojtarët ashtu edhe për seleksionuesit, Vokrri tha se “Sigurisht që Turqia do të luajë me të gjitha forcat që ta fitojë këtë ndeshje por edhe ne do t’i kundërvihemi me forcat tona”.
Kryetari i FFK-së vlerësoi edhe punën e trajnerit të Turqisë Fatih Terim, duke shtuar se ai është një trajner që ka treguar kualitetin e tij si në vend, ashtu edhe jashtë shtetit. Ai tha se Kosova ka marrëdhënie të shkëlqyera me Federatën e Futbollit të Turqisë.
“Vetë fakti se përfaqësuesja e Turqisë ishte ajo që erdhi menjëherë në Kosovë për lojën miqësore tregon miqësinë tonë. Edhe në takime me UEFA-n dhe kongrese të ndryshme ne gjithmonë jemi përkrahur nga Federata Turke”, thotë Vokrri.
Ndërkaq, kryetari i FFK-së, në një konferencë për media gjithashtu bëri të ditur se dy deputetë nga Kuvendi i Kosovës, të cilët janë pjesë e bordit menaxhues të kësaj federate, kanë dhënë dorëheqje. Bekim Haxhiu, i cili ishte nënkryetar i FFK-së dhe Murat Hoxha, anëtar ekzekutiv i Komitetit në FFK-së dhanë dorëheqje pas kërkesës së UEFA-s, me arsye që politika të mos ndikojë në futbollin e vendit.
Promo
Reklamo këtuLufta Prigozhin - Putin
Më shumëNga Rubrika
I kërkuar nga klube si Reali, Bayerni, Arsenali, Liverpooli dhe Man City: Wirtz ka vendosur për të ardhmen e tij
Kur nuk pritej, Real Madridi vendosi ta nderojë Andres Iniestan
Portieri Di Gregorio, nga kalimi te Juventusi te ftesa e Italisë – ai nuk e harron Interin, kohën e kaluar dhe mbështetjen e këtij klubi
Aguero nuk tregon mëshirë për Barcelonën, e dërgon në gjykatë
Përzgjedhësi i Serbisë, Stojkovic befason me fjalët e tij për Granit Xhakën
Zidane jep një paralajmërim të qartë për të ardhmen e tij mes zërave për kalim tek Man United
Arteta rikthen interesimin për top sulmuesin
Paqueta tani në telashe më të mëdha - ai rrezikon dënim me largim të përjetshëm nga futbolli
Goditi lojtarin kundërshtar, federata angleze merr vendim për Nicolas Jackson
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Përzgjedhësi i Serbisë, Stojkovic befason me fjalët e tij për Granit Xhakën
NASA publikon atë që po vlerësohet si "pamja më e qartë e Marsit ndonjëherë"
Sveçla pas aksionit të Policisë në veri: Po zgjatet lista e kriminelëve të strehuar në Serbi
Buzhala paralajmëron padi për "gurthyesin": Jam shty me Hashim Thaçin e jo me Xhelal Sveçlën
Ukraina godet 'qendrën ruse të naftës' ndërsa Zelensky thotë se lufta po hyn në 'fazë vendimtare'
Vuçiq reagon pas vendimit të Kosovës për heqjen e kufizimit për mallrat nga Serbia