Maqedonia nuk ju përgjigjet Greqisë dhe Bullgarisë për respektimin e së drejtës

Pa përgjigje nga Maqedonia mbeti thirrja e fqinjëve për të ndërtuar vlera demokratike. Politikanët vendas ishin të zanën me fjalime festive, ndërkaq pas festës ikën në pushime, shkruan DW në gjuhën maqedonase.

Greqia dhe Bullgaria u kanë bërë thirrje vendeve të Ballkanit që të çlirohen nga mentaliteti i vjetër nacionalist. Porosia ishte dërguar nëpërmes një deklarate të përbashkët të qeverisë greke dhe asaj bullgare, e nënshkruar në Sofje, pas seancës së tretë të përbashkët të këtyre dy qeverive.

Greqia dhe Bullgaria në deklaratën e përbashkët theksuan se vendet e Ballkanit janë të rëndësishme për strategjinë e BE-së dhe NATO-së dhe se do të përkrahen në tentimet e tyre për anëtarësim në organizatat ndërkombëtare, me kusht që t’u përmbahen kritereve për anëtarësim në këto organizata.

“Shpejtësia e anëtarësimit varet nga meritat dhe nevojat për reforma, që duhet të aplikohen nëpërmes një dialogu të pjekur dhe demokratik- përfshirë gjithë shoqërinë, për t’u siguruar stabilitet dhe qeverisje demokratike, në vend që të zgjedhet vetëm njëra nga këto çështje”, thuhet në deklaratë, transmeton Portalb.

Nga ana tjetër, Maqedonia tashmë një kohë të gjatë gjendet në krizë politike, e cila kulmoi pas krizës institucionale, mungesës së dialogut dhe ndarjes së thellë kulturore.

Me Bullgarinë, me vite po dakordohet Marrëveshje për fqinjësi të mirë, në disa raste ishte paralajmëruar se ka vullnet dhe gatishmëri nga të dy anët. Edhe tani shpresa nuk është humbur.

Nga Ministria e Punëve të Jashtme shpresojnë se në takimin e radhës do të ketë përparim.

“Vazhdojmë të punojmë për qasje të balancuar dhe të sinqertë në bisedimet për Marrëveshje për fqinjësi të mirë dhe bashkëpunim. Shprehim kënaqësi që në takimin e fundit të grupeve punuese u shkëmbyen mendime dhe qëndrime për tekstin e marrëveshjes së ardhshme”, thonë nga MPJ./Telegrafi/

Lexo po ashtu Tsipras dhe Borissov: Maqedonia të respektojë sundimin e së drejtës