Vazhdojnë bisedimet mes partive

Takim i frytshëm i përfaqësuesve të partive politike, nënshkruese të Marrëveshjes “Përzhino”. Sipas një pjese të pjesëmarrësve në biseda nga pushteti janë harmonizuar ndryshimet në Ligjin për Qeveri dhe punë të brendshme, ndërsa edhe rregullimi parazgjedhor për mediat është para harmonizimit dhe pritet që në takimin e sotëm që mbahet në Ministrinë e drejtësisë, e njëjta të përmbyllet, transmeton Telegrafi Maqedoni.

„Pas gjithë kësaj mund të thuhet se të gjithë kushtet për zbatimin e Marrëveshjes “Përzhino” janë përmbushur. Duhet të vijojnë punë teknike të cilat janë paraparë në ndryshimet e Kodit zgjedhor lidhur me Listën zgjedhore“, ka deklaruar Nikola Todorov i OBRM-PDUKM dhe ka shtuar se më 31 gusht liderët partiak do të duhet vetëm ta konstatojnë se janë përmbushur të gjithë kushtet për organizimin e zgjedhjeve të parakohshme parlamentare.

Një pjesë e partive pjesëmarrëse në bisedime e kanë paralajmëruar mundësinë që këto ndryshime që ditën e nesërme të gjendet në rend dite të Kuvendit. Tendenca është që këto ndryshime të votohen në procedurë parlamentare deri të premten, para fillimit të pushimit veror të deputetëve./Telegrafi/