Gjërat të cilat bëjnë të dukeni më pak tërheqës, sipas shkencës

Interneti është i mbushur me lista dhe artikuj se si të dukemi më tërheqës. P.sh., duke lexuar këshilla të ndryshme kemi mësuar se shëtitja e qenit apo dëgjimi i muzikës së mirë janë mënyra të mira për ta përmirësuar vetveten.

Sidoqoftë, së fundmi kemi filluar të brengosemi se a ekzistojnë gjëra të cilat janë fajtore se pamja jonë fizike nuk është e njëjtë dhe vetëm sa po shkon e keqësohet?

Përgjigja është definitivisht po, transmeton Telegrafi.

Pagjumësia

Në përgjithësi ne dukemi shumë më pak tërheqës pasi të mos kemi bërë gjumë të mirë.

Në vitin 2010, hulumtues të ndryshëm kishin fotografuar njerëz të cilët kishin fjetur të paktën tetë orë para shkrepjes së fotografive dhe njerëz të cilët nuk kishin bërë asnjë sy gjumë për 31 orë. Pjesëmarrësit tjerë i kishin vlerësuar njerëzit në fotografi bazuar në kritere të ndryshme.

Sidoqoftë, jo vetëm që personat pa gjumë dukeshin shumë më të lodhur (kjo është e qartë), por ata perceptoheshin edhe si më pak atraktivë, më pak të shëndetshëm dhe shumë më të pikëlluar.

Sjellja e ashpër

A është e vërtetë thënia se “djemtë e mirë e përjetojnë orgazmën të fundit, pasi ta ketë kryer e dashura e tyre”?

Për një studim kinez të vitit 2014, hulumtuesit i kishin treguar meshkujve dhe grave të shikojnë fotografi të njerëzve tjerë, e që të gjithë shfaqnin shprehje neutrale, transmeton Telegrafi.

Disa nga ato fotografi ishin bashkëshoqëruar nga fjalë kineze për “të sjellshëm” dhe “të sinqertë”, e disa tjera ishin bashkëshoqëruar nga fjalë tjera kineze si “i keq” dhe “i ashpër”, por assesi që nuk ishin bashkëshoqëruar me informata të ndryshme.

Pjesëmarrësit kishin përfunduar duke i vlerësuar si më pak atraktivë personat që ishin përshkruar si “të keq” dhe “të ashpër”.

Stresi

Qetësohuni sepse mund të dukeni më “hot”!

Një studim i vitit 2013 ka zbuluar se gratë me nivele të larta të hormonit të stresit, kortizolit, ishin perceptuar nga meshkujt heteroseksual si më pak tërheqëse apo joshëse.

Hulumtuesit thonë se kjo mund të jetë për shkak se niveli i lartë i kortizolit mund të ketë ndikim në shëndet dhe pjellori.

Disa nga gjërat tjera të cilat bëjnë të dukeni më pak tërheqës:

* Nëse paraqiteni shumë të lumtur apo shumë krenarë

* Mungesa e sensit të humorit

* Përtesa

* Nëse mbani erë të zakonshme apo shumë të ndryshme

* Mungesa e sinqeritetit. /Telegrafi/