Tri truqe të lehta për ta bërë belin të duket më i hollë

Psikologët thonë se çdo njeri duhet të mos ketë brenga për personalitetin, peshën, gjatësinë etj.

Por, pavarësisht këtyre këshillave nga psikologët, ka shumë femra të cilat duan të duken të përsosura në fustanin e ri dhe për t’u dukur e mahnitshme, beli duhet të duket më i hollë, transmeton Telegrafi.

Ja disa truqe se si të veproni për ta bërë belin t’ju duket më i hollë:

Vishni rroba me ngjyrë të zezë

Ngjyra e fustanit luan rol të rëndësishëm në atë se si dukeni. Ngjyrat e ndritshme bëjnë që të dukeni më me peshë, ndërsa ngjyrat më të errëta ju japin një pamje më të hollë. Kjo është arsyeja se përse shumë dizajnerë mode shpenzojnë shumë kohë për të vendosur ngjyrën e fustanit ekskluziv.

Blini rroba më të mëdha

Veshja e rrobave me madhësi me të madhe është në modë ditëve të sotme. Thjesht duhet të keni kujdes në përzgjedhjen e rrobave. Mund ta kombinoni një bluzë të madhësisë më të madhe me xhinse të ngushta dhe take të larta për ta krijuar iluzionin e belit të hollë.

Taket e larta

Sa më e gjatë që jeni, aq më i hollë do t’ju duket beli. Prandaj, kushtoni kujdes këpucëve që i blini, dhe keni parasysh që taket e larta e krijojnë iluzionin e belit të hollë. /Telegrafi/