A do të martohet Xhaka pas kalimit te Arsenali? Flet vet Graniti

Granit Xhaka ka kompletuar një prej transferimeve më të shtrenjta në futboll kur ai nënshkroi me klubin futbollistik të Londrës, Arsenalin.

Xhaka do të fitojë shtatë milionë euro në vit dhe ai me vete në secilin moment e ka të dashurën e tij.

Por, në një intervsitë për Blick, Graniti habit me dashurinë që ai ka për të dashurën e tij, shkruan Telegrafi.

Ai i thotë të dashurës së tij “grua” dhe thotë se për këtë është i sigurt edhe pa u martuar.

“Kush më shoqëron në Londër? Gruaja ime. Ne kemi bashkëjetuar edhe në kohën kur isha te Monchengladbachu. Prindërit e mi do të vijnë po ashtu shpesh”, theksoi ai.

I pyetur nëse e quan grua të dashurën e tij, do të thotë se e ka martuar në mënyrë sekrete, Xhaka thjesht demonstron dashurinë në mënyrë epike.

“Jo, nuk jemi martuar, por ajo është gruaja ime, që nga dita që unë e kam takuar atë për herë të parë”, shtoi ai.

Sa i përket planeve për martesë, ai po ashtu ka nëj përgjigje.

“Jo, për momentin nuk kemi plane, por ajo është gruaja ime…”, përfundoi Graniti. /Telegrafi/