A duhet ta lini fëmijën të besoj në Babadimër?

Një ndër brengat kryesore është se gënjeshtra e shkatërron besimin që fëmijët e kanë te prindërit e tyre.

Përderisa kjo mundësi ekziston, kjo nuk do të thotë se është diçka që nuk mund të menaxhohet. P.sh, kur fëmija fillon të vë në pyetje ekzistencën e Babadimrit, ju mund të bëni një bisedë të sinqertë dhe t’i tregoni se përse i keni mbështetur ata në besimin e tyre, duke cituar ndoshta kënaqësinë e vërtetë që besimi e prodhon, transmeton Telegrafi.

Por, duhet ta keni parasysh se ekziston mundësia që ata nuk do të mund ta durojnë ‘mashtrimin’ që ua keni bërë dhe në të ardhmen mund të mos ju besojnë në aspekte tjera. Megjithatë, nëse jeni të sinqertë dhe i tregoni se përse kjo është një çështje ku ‘duhet gënjyer’, atëherë fëmija vështirë se do të mbajë inat për kohë të gjatë.

Nëse veç jeni të brengosur se kjo mund t’ju shkaktojë problem me fëmijën, atëherë gjithmonë kur luani me të thoni: “Le të supozojmë se Babadimri është i vërtetë dhe t’i lëmë disa biskota pranë oxhakut për të…”

Një tjetër problem tjetër është që inkurajimi i besimit në Babadimër mund ta bëjë të vështirë për fëmijët dallimin mes fantazisë dhe realitetit, duke e vonuar zhvillimin e tyre të aftësive njohëse.

Disa studime tregojnë se aftësia për të dalluar realitetin dhe fantazinë fillon në fëmijërinë e hershme dhe rritet me moshën. Në fakt, disa studime thonë se fëmijët me shumë imagjinatë janë më të aftë t’i identifikojnë kufijtë mes fantazisë dhe realitetit. /Telegrafi/