Asamblistët e PDK-së: Shpend Ahmeti shkeli ligjin me thirrjen e mbledhjes urgjente javën e kaluar

Grupi i Asamblistëve të PDK-së në Kuvendin Komunal në Prishtinë ka deponuar sot në Ministrinë e Administrimit dhe Pushtetit Lokal kërkesën për anulimin e mbledhjes urgjente të thirrur nga Kryetari i Komunës së Prishtinës, Shpend Ahmeti me datën 14 prill 2016.

“Kjo kërkesë është e bazuar në nenin 7 pika 2 të Udhëzimit Administrativ 02/2015 në të cilin specifikohen arsyet se kur mund të thirret një mbledhje urgjente e Kuvendit Komunal “Mbledhjet urgjente të kuvendit të komunës mund të thirren në rast të fatkeqësive natyrore dhe rrethanave tjera urgjente në komunë”  dhe kjo mbledhje urgjente nuk përmbanë asnjë element të tillë”, thuhet në komunikatë.

PDK dega në Prishtinë ka shprehur shqetësimin me shkeljet e vazhdueshme ligjore që Komuna e Prishtinës dhe Kryetari i saj i bëjnë me vetëdije të plotë dhe në rast të mos anulimit të kësaj mbledhje si pasojë e shkeljeve thelbësore procedurale krijohet një precedent negativ për mbarëvajtjen e të gjitha Kuvendeve Komunale në Kosovë.

PDK dega në Prishtinë është e bindur dhe e vendosur në kërkesën e saj dhe do të shfrytëzojë të gjitha mundësitë ligjore dhe institucionet përkatëse deri në realizimin e saj./Telegrafi/