Këshilli i Minatorëve të ndërmarrjes “Miniera dhe Industria e Magnezitit-Golesh” (MIM Golesh) , sot i janë drejtuar Presidencës së Kosovës me një kërkesë me shkrim për takim me presidentin Hashim Thaçi.
Qëllimi i kësaj kërkese bazohet në vështirësitë, problemet dhe gjendjen e rëndë socio-ekonomike të mbi 170 punëtorëve të kësaj Miniere, të cilët që prej tetorit të vitit 2014 kanë mbetur pa punë pas një vendimi të marrë nga menaxhmenti i AKP-së.
Kryetari i Këshillit të Minatorëve të MIM-Goleshit, Abedin Hazrollaj pas dorëzimit të kërkesës drejtuar presidentit të Kosovës, tha se për shkak të kushteve në të cilat janë punëtorët e kësaj miniere pas masave që i ka marrë AKP, ata vendosën që t’i drejtohen presidentit të vendit. Me presidentin kërkojmë të diskutojmë për problemet dhe gjendjen e rëndë të punëtorëve të MIM Goleshit, tha për KosovaPress, Hazrollaj.
“Para dy ditësh kemi pasur një takim me një numër të c aktuar të minatorëve, ku është diskutua gjendja shumë e vështirë e minatorëve, të cilët kanë mbetur jashtë minierës pas masave që i ka marrë AKP, me arsyetimin se gjoja investitori nuk i ka kryer obligimet që i ka pasur me SpinOff Special. Kemi diskutuar gjatë, ku njëkohësisht ka qenë një propozim që të gjithë minatorët të vijnë dhe të protestojnë këtu para Presidencës, mirëpo kemi gjetur një solucion dhe kemi vendosur që ta bëjmë një kërkesë me shkrim dhe t’i drejtohemi presidentit që të gjejë kohë dhe mundësi që të na pranoj Këshillin e Minatorëve për të diskutuar për problemet, hallet dhe gjendjen reale të Minierës dhe Industrisë së Magnezitit në Golesh”, tha ai.
Hazrollaj tha se kohë më parë kishin qenë edhe në AKP për t’i kërkuar të drejtat e tyre, por kjo e fundit, sipas tij, i është referuar vendimit të Gjykatës së Dhomës së Veçantë. Ai shpreson se presidenti do të jetë i arsyeshëm për t’i kuptuar problemet dhe gjendjen e punëtorëve në të cilën ndodhen.
“AKP po bazohet në vendimet e Gjykatës së Dhomës së Veçantë, ku dihet se cila ka qenë kërkesa e investitorit, por që dihet edhe vendimi. Ato dokumente me siguri i ka edhe Presidenca. Mirëpo kësaj radhe jemi drejtuar te Presidenti Thaçi, sepse kemi shpresë që do të na kuptoi dhe do të jetë si promotor që kjo çështje të zgjidhet… Besojmë që Presidenti do të gjej kohë të na ftoi që ta diskutojmë këtë problem, i cili po na preokupon qe një vit e gjysmë”, tha Hazrollaj.
Ai tha se numri i përgjithshëm i të punësuarve në Minierën e Goleshit ka qenë 186, për momentin aty punojnë rreth 15 prej tyre, që i bie se rreth 170 punëtorë të tjerë kanë mbetur rrugëve dhe pa të ardhura.
KosovaPress sjell të transkriptuar kërkesën e Këshillit drejtuar presidentit Hashim Thaçi:
“Presidentit të Kosovës,
Kërkesë
-Për një takim të mundshëm me Këshillin e Minatorëve të MIM-Goleshit.
Ku si qëllim është njoftimi i precedentit me vështirësitë, problemet dhe gjendjen shumë të rëndë soci-ekonomike, me të cilën përballën çdo ditë, minatorët e MIM-Goleshit.
Besojmë fort, se do të keni konsideratë ndaj kësaj kërkese, ku për ne do të ishte jetike dhe do të na jepte shpresë, se e ardhmja jonë do t’i jep jetës kuptim.
Kryetari i Këshillit të Minatorëve të MIM-Goleshit, Abedin Hazrollaj. ”/Telegrafi/
Promo
Reklamo këtuLufta Prigozhin - Putin
Më shumëIndia, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp