Prishtina së shpejti me lapidarin e komandantit legjendar Adem Jashari

Kryetari i Kuvendit të Kosovës, Kadri Veseli ka thënë të premten pas mbledhjes së Kryesisë së Kuvendit të Kosovës se më 10 mars do të jetë seanca e radhës me 18 pika të rendit të ditës, ndërsa pas kësaj seance do të mbahet edhe një tjetër lidhur me procesin e integrimit evropian.

“Më 10 mars do të kemi seance. 18 pika të rendit do t’i kemi. Edhe një seanca do të jetë pas 10 marsit. Prioritet është bashkimi evropian. Përmbushja e kritereve për liberalizim janë si kushte në të cilat duhet të punojmë dhe për këto çështje duhet t’i mbajmë dy seanca të shpejta”, ka thënë Veseli.

Kryetari i Kuvendit ka thënë se zgjedhja e presidentit ka qenë në rregull, por opozita ka të drejtë kushtetuese ta dërgojë në Kuvend.

Sipas tij, anëtarja e Kryesisë, Aida Dërguti ka thënë se do të pengohet seanca e 10 marsit.

Ndryshe, Veseli ka bërë të ditur se Prishtina së shpejti do ta ketë lapidarin e komandantit legjendar Adem Jashari dhe për këtë kanë biseduar me zyrtarët komunal të Prishtinës. /Telegrafi/