Baxhaku: Injorantët e hipokritët duan të më përjashtojnë nga partia

Deputeti i Lidhjes Demokratike të Kosovës, Hatim Baxhaku, i cili refuzoi të ishte në sallë dhe të votonte pro Hashim Thaçit President, ashtu siç ia kishte kërkuar partia, është shprehur shumë ashpër në llogarinë e tij në Facebook kundër disa kolegëve të partisë, të cilët, kanë kërkuar largimin e Baxhakut nga LDK-ja.

Baxhaku në statusin e tij ka thënë se kritika i dedikohet “Gazmend Muhaxherit, Luan Golës, Fadil Gashit dhe atyre që mendojnë njëjtë si ata”, njofton Klan Kosova.

“Kam qenë delegat i Kuvendit Themelues të LDK-së në vitin 1989 të mbajtur në Medresen në Prishtinë. Jam nënkryetar i parë i LDK-së dega në Prizren. Gjithashtu jam veteran i UÇK -së. Dhe tani këta injorantë dhe hipokritë po dashkan të më përjashtojnë nga partia e cila është dhe do të jetë e vetmja deri sa të kam frymë”, ka shkruar Baxhaku.

Postimi i plotë i Baxhakut në Facebook:

“Drejtuar Gazmend Muhaxheri, Luan Goles,Fadil Gashit dhe atyre qe mendojne njejte si ata.

Sot ne mbledhjen e kryetareve te degeve te LDK- se me kryetarin z. Isa Mustafa, disa qe kane nderruar nga disa parti ose kane ardhur dje ne LDK,paskan kerkuar perjashtimin e Hatim Baxhakut nga LDK- ja sepse nuk e paskam perkrahur zgjedhjen e Hashim Thaqit per President.

Une Hatim Baxhaku jam themelues i deges se LDK-se ne Dragash, kryetar i nendeges dhe anetar i kryesise qe nga themelimi. 
Kam qene delegat i Kuvendit Themelues te LDK -se ne vitin 1989 te mbajtuar ne Medresen ne Prishtine. Jam nenkryetar i pare i LDK -se dega ne Prizren. Gjithashtu jam veteran i UCK – se.

Dhe tani keta injorant dhe hipokrit po dashkan te me perjashtojn nga partia e cila eshte dhe do te jete e vetmja deri sa te kam fryme.

O ZOT I MADHE MESHIROJ !!!

Te nderuar miq anetar dhe simpatizues te LDK-se,ju ftoj qe te ndalim kete debat dhe gjuhe perqarese ne komunikimet tona neper rrjetet sociale dhe mendimin dhe veprimin ndryshe per qeshtje te caktuara ta pranojm si vlere dhe te ecim perpara se bashku drejt fitoreve te reja te LDK-se per shtetin e Kosoves.Kjo zaten edhe eshte Rugovizmi dhe filozofia Rugovjane te cilen e kemi perqafuar dhe e kemi ne zemer te gjithe ne anetaret e LDK-se pa perjashtim” (sic), ka shkruar Baxhaku.