Korporata Energjetike e Kosovës (KEK), dhe KEDS-i po mundohen që të “fshehin” kërkesën për rritjen e tarifave të energjisë elektrike në Zyrën e Rregullatorit duke thënë se ata kanë kërkuar vetëm rritje të të hyrave për vitin 2016.
Por nëse ZRRE-ja lejon që të rriten të hyrat për vitin 2016, atëherë automatikisht do të rriten edhe tarifat për konsumatorët të energjisë eklektike, pasi që të hyrat e KEK-ut dhe KEDS-it janë nga shpenzimi i rrymës që bëjnë konsumatorët.
Drejtori i Shërbimeve në Korporatën Energjetike të Kosovës, Endmond Nulleshi, ka thënë për Telegrafin se KEK-u nuk ka bërë asnjë kërkesë për ngritje të çmimit të energjisë elektrike për konsumatorë.
Ai ka sqaruar se të gjitha të hyrat për mbulimin e shpenzimeve operative dhe investive të nevojshme për prodhim të energjisë elektrike aprovohen çdo vit nga Zyra e Rregullatorit të Energjisë.
“Për këtë qëllim, duke respektuar afatet dhe obligimet ligjore sipas licencës që ka, KEK si prodhues i energjisë elektrike, me datën 7 dhjetor 2015, ka dërguar propozimin për lejimin e të hyrave për vitin 2016 në harmoni me legjislacionin në fuqi. Propozimi i KEK-ut për të hyra të lejuara për 2016 është tërësisht në përputhje me të hyrat tashmë të lejuara nga ZRRE-ja për vitin e katërt të shqyrtimit të rregullt shumëvjeçar tarifor (SHTE7),duke përfshi përshtatjet konform rregullave të ZRRE-së”, ka thënë Nulleshi.
Sipas tij, propozimi i KEK-ut është në tërësi në përputhje me të hyrat tashmë të lejuara nga ZRRE-ja që në vitin 2012, duke përfshi edhe përshtatjet që janë rrjedhim i kompleksitetit dhe vështirësive të prodhimit me stabilimente të një moshe më të cilat KEK-u operon.
“Ndryshe aprovimi i të hyrave adekuate të lejuara nga ZRRE do t’i mundësoi KEK-un të mbajë nivelin e prodhimit të qëndrueshëm sipas bilancit energjetik”, ka thënë Nulleshi për Telegrafin.
Po ashtu edhe zyrtarët e KEDS-it, thonë se nuk kanë bërë kërkesë për rritje tarifash të energjisë elektrike por thonë se vetëm kanë kërkuar që të rriten të hyrat e lejuara.
Zëdhënësi i KEDS-it, Viktor Buzhala, ka treguar për Telegrafin se kanë bërë kërkesë në ZRRE për të hyrat e lejuara nga 1 prilli 2016 deri më 31 mars 2017.
Sipas tij, ky aplikim është një proces i cili do të dal edhe në diskutim nga ZRRE-ja.
“Nuk mund të flitet për rritje të të hyrave, sepse është aplikim fillestar, pasi që Zyra e Rregullatorit për Energji, do ta dërgojë në diskutim”, theksoi Buzhala.
Por, ai thekson se në të hyrat për vitin 2016-2017 do të kenë ndikime edhe kërkesat nga kompanitë e tjera.
“Në tarifa përveç kërkesës së KEDS – KESCO, kanë ndikime edhe të hyrat e KEK-ut dhe KOSTT-it, do të thotë janë katër operatorë, që ndërlidhen me tarifat që aplikohet për konsumatorë”, ka thënë zëdhënësi i KEDS-it.
Aplikimin e KEK-ut në ZRRE, për rritjen e të hyrave mund ta lexoni këtu:
Aplikimin e KEDS-it në ZRRE, për rritjen e të hyrave mund ta lexoni këtu:
Ndryshe, të mërkurën, zëdhënësja e Zyrës së Rregullatorit për Energji (ZRRE), Adelina Murtezaj-Bajrami ka treguar për Telegrafin se e kanë filluar Procesin e shqyrtimit Tarifor, të dhjetin me radhë.
“Si pjesë e këtij shqyrtimi, fillimisht është shqyrtimi i të Hyrave të Lejuara Maksimale, për të cilat tashmë kanë aplikuar operatorët e licencuar. Këto aplikacione i kemi bërë publike në faqen elektronike të ZRRE-së,.ero-ks.org“, ka thënë ajo.
Murtezaj thekson se aplikacionet, aktualisht janë duke u shqyrtuar nga ekspertët në Departamentin e Tarifave dhe Çmimeve.
“Sapo të përfundojnë këto analiza, ZRRE do të bëjë publik Raportin Vlerësues (që nuk është vendim) për të hyrat e lejuara maksimale për këta operatorë. Ky raport do të bëhet, si gjithmonë, publik dhe do të ftohen të gjitha palët e interesuara që të japin komente e tyre në lidhje me vlerësimet që përmban raporti”, thotë zëdhënësja e ZRRE-së për Telegrafin.
Pas pranimit të komenteve, Bordi do të shqyrtojë Raportin që përmban vlerësimet e ekspertëve të tarifave dhe çmimeve, si dhe të gjitha komentet e pranuara në lidhje me të.
“Vendimi i Bordit për të hyrat e lejuara maksimale dhe Tarifat e reja të energjisë elektrike do të duhej të merret më së largu deri më 31 mars 2016, deri kur është në fuqi vendimi aktual i tarifave të energjisë elektrike”, ka thënë Adelina Murtezaj-Bajrami. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kontrata kolektive ‘përplas’ sindikatat me pushtetin
IPKO mbështet edicionin e 13-të të konferencës më të madhe në rajon për teknologji – KosICT
IPKO vetëdijeson dhe mbështet komunitetin në kuadër të fushatës “Së bashku kundër kancerit” përmes aktiviteteve në Prishtina Mall
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp