Njohës të fushës së ekonomisë dhe përfaqësues të bizneseve kanë vlerësuar se pas tetë vjetësh pavarësi, ekonomia e Kosovës vazhdon të përballet me sfida të shumta.
Sipas tyre, kjo po ndodh pasi agjenda politike ka mundur agjendën ekonomike dhe se Qeveria nuk e ka dhënë kontributin e duhur për zhvillimin e ekonomisë. Sipas tyre, bruto prodhimi vendor, norma e lartë e papunësisë, mungesa e zhvillimit ekonomik si dhe normat e larta të kredive kanë ndikuar që zhvillimi ekonomik mos të jetë në nivelin e duhur.
Ata kanë thënë se problemi esencial qëndron te krijimi i klimës për të bërë biznes qoftë në aspektin legjislativ, por edhe te shërbimet publike siç janë energjia elektrike dhe uji.
Presidenti i Odës Ekonomike Gjermano-Kosovare (OEGJK), Samir Krasniqi, ka thënë për gazetën “Epoka e re” se për tetë vjet pavarësi në Kosovë, sektori privat është anashkaluar shumë. “Përmbledhur me një fjali, sektori i ekonomisë së Kosovës rezulton të jetë goxha i anashkaluar, për të mos thënë i injoruar tërësisht dhe jo vetëm që nga shpallja e pavarësisë së Kosovës në vitin 2008. Menjëherë pas luftës ky sektor nuk u trajtua si prioritet, duke mbetur plotësisht nën hije të agjendave politike për shpallje të shtetësisë së vendit. U harruan duke u bërë punë ad hock, pa ndonjë plan të saktë veprimi”, ka deklaruar Krasniqi.
Sipas tij, pas shpalljes së pavarësisë ekonomia, mbeti e nënvlerësuar. “Tani, kur veç janë bërë tetë vjet të shpalljes së pavarësisë, kur shteti i ka vendosur disa shtylla funksionale, ekonomia praktikisht sërish mbetet jashtë prioriteteve të larta, me pretekstin se vendit i duhet stabiliteti. Stabiliteti është shumë i rëndësishëm për një shtet dhe kjo nuk diskutohet, por a mund të ketë stabilitet pa zhvillim ekonomik? Absolutisht jo. Vendi ynë rrugën e stabilitetit dhe prosperitetit mund ta gjejë vetëm nëpërmjet zhvillimit të ekonomisë dhe rritjes së saj”, është shprehur ai.
Nënkryetari i Aleancës Kosovare të Bizneseve (AKB) dhe drejtor i përgjithshëm i “Meka Halal Food”, Burim Piraj, ka deklaruar se Kosova që nga shpallja e pavarësisë nuk ka arritur të ketë zhvillime të kënaqshme në ekonomi. “Bruto Prodhimi Vendor, si një parametër makroekonomik, nuk arriti ta ketë rritjen e pritur e me të edhe krijimi i vendeve të punës nuk ishte në nivel, sepse nuk janë plotësuar kërkesat e qytetarëve tanë për punësim. Këta tetë vjet ekonomia dhe ndërmarrësit kosovarë janë ballafaquar me shumë sfida të natyrës së ndryshme, të cilat kanë qenë pengesë për zhvillim dhe krijim të një ekonomie të fortë. Ndërmarrësit kosovarë, por edhe ekonomia kosovare, janë ballafaquar me barriera tarifore e jotarifore nga të gjithë vendet e botës, por edhe kanë pasur pengesa të panumërta të natyrës politike”, ka deklaruar Piraj.
Kurse Drejtori i Qendrës për Hulumtime Strategjike e Sociale (STRAS), Ibrahim Rexhepi, ka thënë se për t’i parë ndryshimet se cili ka qenë më parë pozicioni i ekonomisë e cili është sot, atëherë del një rritje më e madhe mirëpo, sipas tij, ky krahasim s’mund të jetë real, pasi duhet të shikohet në prizma të ndryshme.
“Krahasuar me nevojat dhe kërkesat, por dhe me mundësitë, rritja është shumë e ulët. Problemi esencial qëndron te krijimi i klimës për të bërë biznes, qoftë në aspektin legjislativ, por edhe te shërbimet publike siç janë energjia elektrike dhe uji. Këtu janë ngecjet kryesore. Këto kanë ndikuar drejtpërsëdrejti edhe në ngecjen e tërheqjes së investimeve të huaja direkte”, ka deklaruar Rexhepi. /Epoka e Re/Telegrafi/
Promo
Reklamo këtuLufta Prigozhin - Putin
Më shumëNga Rubrika
Kontrata kolektive ‘përplas’ sindikatat me pushtetin
IPKO mbështet edicionin e 13-të të konferencës më të madhe në rajon për teknologji – KosICT
IPKO vetëdijeson dhe mbështet komunitetin në kuadër të fushatës “Së bashku kundër kancerit” përmes aktiviteteve në Prishtina Mall
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp