Importuesit protestojnë në zonën neutrale Kosovë-Shqipëri

Kompanitë importuese të mallrave nga Shqipëria, sot (e mërkurë) do të protestojnë në kufirin mes Kosovës dhe Shqipërisë. Hyzer Gashi, përfaqësues i grupit të protestuesve tha për KosovaPress, seDogana e Kosovës po detyron që maunat e tyre të shkojnë në terminalin privat të Prizrenit dhe të paguajnë nga 40 euro për çdo maunë, e që ajo është i tërë fitimi i tyre.

Gashi tha se po presin të takohen me përfaqë të lartë doganave për të zgjedhur këtë problem. Gashi tha po ashtu se në qoftë se ata nuk pranojnë takimin, atëherë të gjitha kompanitë importuese të mallrave që vijnë nga Shqipëria do të protestojnë në pikën kufitare të Vërmicës.

“Ne grupi i importuesve të mallrave nga Shqipëria, sot kemi paralajmëruar një protestë në ora 12:00. Arsyet e protestës janë, pasi që Dogana e Kosovës po detyron që maunat tona të shkojnë në terminalin privat të Prizrenit dhe të na merr nga 40 euro për çdo maunë, kjo është arsye e kësaj proteste, pasi që ne tërë fitimin që kemi po mbetet në terminal privat dhe qëllimi i kësaj proteste është që t’i bëjmë me dije autoriteteve doganore dhe shtatore që kjo barrë që po na vendoset është e padrejtë dhe si e tillë duhet të eliminohet, pasi që lëvizja fizike e mallrave nga Shqipëria në drejtim të Kosovës do të bëhet pa ndonjë barrierë, e cila është artificial dhe ajo e ashtu quajtura kontrolli i rriskut që dogana pretendon mund të bëhet në pikat hyrëse në kufi, pasi që mallrat janë lehtësisht të dukshme dhe nuk ka problem rreth tij”, ka thënë ai.

Ai po ashtu tha se janë dhjetëra kompani importuese të cilat kanë mbi mijëra punëtorë dhe janë tatim pagues të buxhetit të Kosovës dhe janë pa asnjë ndëshkim ose penalitet. /Telegrafi/