Përkundër disa barrierave, shkëmbimi i mallrave mes Kosovës dhe Shqipërisë, gjatë vitit që lamë pas ka pasur rritje për 20 milionë euro të eksporteve dhe importeve, kundrejt vitit 2014. Mirëpo përkundër kësaj, ambasadori i Shqipërisë në Kosovës, Qemal Minxhozi, nuk është i kënaqur pasi ekzistojnë ende barriera për të cilat beson që do të zvogëlohen në të ardhmen.
Minxhozi, në një intervistë për KosovaPress, ka thënë se pretë që nismat ligjore të marra nga të dy parlamentet të mundësojnë shfrytëzimin e mundësive që kanë të dyja vendet. “Viti që lamë pas, 2015-ta ka qenë një vit i suksesshëm në shkëmbimin e mallrave midis Shqipërisë dhe Kosovës. Ka pasur një aktivitet ekonomik të ndërsjellë të rritur edhe kjo në vlerë monetare ka shkuar aty rreth 200 milionë euro, që do të thotë është rreth 20 milionë euro më tepër se vitin e kaluar. Ka pasur rritje të eksporteve të Kosovës në Shqipëri. Gjithashtu, edhe rritje të eksporteve të Shqipërisë në Kosovë. Një gjë të dukshme në këto eksporteve kanë zënë produktet bujqësore”, tha Minxhozi.
Sipas tij, përkundër rritjes së shkëmbimit tregtarë më mirë se një vit më herët, prapë nuk është i kënaqur me barrierat me të cilat janë ballafaquar bizneset gjatë vitit 2015. “Do thosha që ka rritje por ne jemi jo të kënaqur për mundësit që ekzistojnë midis dy vendeve tona. Ende ekzistojnë disa barriera që dita-ditës po zvogëlohen por prapë se prapë mundësitë janë shumë më të mëdha. Ajo që e rëndësishme që institucionet e ndryshme të shtetit shqiptarë dhe të shtetit të Kosovës po intensifikohen nga dita në ditë që këto barriera të ulen. Po i ndërmerren dhe nisma ligjore nga parlamentet e dy vendeve për të parë mundësinë që këto barriera jo vetëm thjeshtë në fushën doganore por edhe në fushën e njohjes për certifikimin e produkteve duhet të bëhet më tepër. Gjithsesi, unë mendoj që viti 2016 do të ketë një start më të fuqishëm për të rritur një shkallë më të madhe të bashkëpunimit dy palesh Shqipëri-Kosovë”, tha Minxhozi.
Një e arritur shumë e madhe sipas ambasadorit Minxhozi gjatë vitit 2015 ishte edhe përfundimi i projektit energjetik mes dy vendeve, i cili pritet të përfundojë në prill të vitit 2016. “Një sukses i madh do të thosha është edhe përfundimi i projektit i autostradës energjetike siç e quajmë Fushë-Kosovë kufi me Shqipërinë 95 kilometra i gjatë. Një investim prej 35 milionë eurosh. Përfundoj me shumë sukses në Kosovë dhe pritet që pjesa tjetër e Shqipërisë, 120 kilometra për t’u afruar, për t’u lidhur me Kosovën, një investim po me të njëjtën vlerë 35 milionë euro do të përfundoj në prillin e vitit të ardhshëm. Është tepër e rëndësishme që Kosova dhe Shqipëria lidhen me një sistem të transmetimit direkt. Po bëhet përpjekje jo vetëm transmetim të energjisë elektrike, të kemi edhe prodhim të energjisë elektrike dhe ka nisma dhe iniciativa që gjatë vitit 2016 këto të bëhen më konkrete”, tha Minxhozi.
Ai po ashtu tha se gjatë vitit të fundit ka pasur rritje të turizmit mes dy vendeve. “Një rritje tjetër të dukshme ka pasur edhe turizmi. Turizmi në drejtim të Shqipërisë por edhe turizmi në drejtim të Kosovës, sidomos turizmi malor. Gjatë gjithë muaji dhjetor, pikat turistike të Kosovës kanë qenë të dominuar nga turistë ose familjarë nga Shqipëria si në Grykën e Rugovës, Brezovicë dhe kudo në pikat malore të Kosovës. Gjithashtu, ka pasur një rritje të turistëve të Kosovës sidomos në boshtin Vlorë – Sarandë”, tha Minxhozi.
Po ashtu ai tha se marrëveshjet e arritura mes dy qeverive kanë qenë të suksesshme, sidomos në fushën e ekonomisë. “Një pjesë e mirë e marrëveshjeve kanë gjetur një zbatim, sidomos këto në fushën e ekonomisë. E them këtë jo për hir se duhet thënë që ishin të suksesshme por ka pasur një rritje dhe të e justifikon shifra të larta prej 20 milionë eurosh që ka pasure një rritje. Them që vetëm brenda dy viteve eksporti-importi midis dy shteteve tona ka pasur një rritje 40 për qind, që është goxha e konsiderueshme”, theksoi Minxhozi.
Ai shpreson që gjatë vitit 2016 do të thellohet bashkëpunimi Kosovë-Shqipëri. Gjatë vitit 2015, kishte eksporte afër 60 milionë euro, ndërsa im port nga Shqipëria afër 200 milionë euro. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Rritja e pensioneve për 20 për qind, Kurti: Fillon nga ky muaj
Inflacioni në shtator është rritur për 0,2 për qind në krahasim me muajin e njëjtë të vitit të kaluar
“Tiny Realms Under Surreal Tides”, faqe e re e bashkëpunimit midis artit dhe pasurive të paluajtshme
India, anëtare e BRICS refuzon de-dollarizimin - përqafon dollarin amerikan
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Meritaterm vazhdon kampanjën me super zbritje prej 33% për pompën termike më të mirë në treg, Toshiba
Foleja Home: Produkte cilësore dhe moderne për shtëpinë dhe zyren tuaj
Kjo është super platforma për menaxhimin e procesit të dhënies dhe marrjes me qera të veturave
Vezët Bio REA-s: Zgjedhje e shëndetshme për familjen tuaj
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp